7ª partida de campionat - Sterzing

Do la devënta sön le La Val pó le Sterzing festejé le titul de campiuns dl rode C de 3a categoria

Cun na devënta tlera de 5 a 1 sön le La Val ti él garaté al Sterzing le salt perfet te secunda categoria a döes jornades dala fin dl campionat. Particolara é stada la culissa de spetadus ruvá adalerch a Sterzing por ti de na sbürla a süa scuadra de ciasa. I ladins ne s’á indere nia fat val adinfora y é jüs te ciamp cun grinta y á sughé süa partida, le resultat ne respidlëia nia l’andamënt dla partida, ince sce i aversars á tler mirité de davagné.

Bele ti prüms menüc ti sciampa l’atacant de ciasa da na pert jö, passa amez al cumpagn che deviëia bel te porta por le vantaje. Al 15^ é Michele che crossëia amez por Stefan, chësc arjüma sú dan porta den pulan le curan, che va insciö dlungia ia. L’ocajiun dl per nia concretisé ti vëgn retüda cun bëgn dui goi te curt tëmp te porta ladina. Al 26^ é l’atacant bun da se oj te area y de canoné sura le portier ite, en menüt dedô é le sterch numer diesc che driblëia la defenjiun y tira bass te porta.

Na duscia frëida cun en vantaje de bëgn trëi goi, che podess sperde, mo nia la formaziun da La Val che combat inant y röia ince plö iadi sö dan porta a tra.

Al 53^ röia na crossada amez por le Sterzing, l’atacant pro de driblé te area y vëgn contrasté dal defensur ladin. Le fal, por l’arbiter en fal dür, é la gauja por en önescmetri che vegn concretisé cun savëi dal sogadú Dolliana. Ince le La Val se lascia odëi y al 70^ gareta la presciun y la combinaziun anter Franz y Michele é ejemplara por fa pié ia la crossada amez, olache le compagn Alex M.  é a dërt post por apogé te porta. An pro ciamó de tra fora valch in plö, mo sön le bun momënt concuistëia l’aversar le palé y ti sciampa dlungia ia al defensur, al á ma plö bria de jí cuntra le portier Giovanni y trac un prrezijiun te porta ladina. Le mirit é dl Sterzing y a chisc ti val en gran aplaus por la buna prestaziun fora por düt le campionat che ti á insciö porté le titul de campiuns de chësc rode.

Sterzing – La Val 5-1

Formaziun La Val: 1. Giovanni Erlacher, 2. Egon Frenes, 3. Campei Simon (dal 75^ Alexander Complojer), 4. Max Nagler, 5. Paolo Vallazza, 6. Philip Moling, 7. Felix Nagler, 8. Stefan Sottara, 9. Alex Miribung, 10. Michele Campei, 11. Franz Tolpeit (dal 70^ Maximilian Meo Di Lorenzo)

Gol por La Val: Alex Miribung al 70’

Proscima partida: Domenia a La Val dales 15:30 cuntra le Valdaora

Atri resultac:

Altherren (La Val)  :  La Val – Percha  2-2

U-15 (La Val-Mareo) : La Val – Tlüses  0-1

Giovanissimi (Mareo/La Val) : Mareo – Vahrn  3-3

U-12 (La Val) = La Val – Porsenù 1-3

U-11 (La Val) = La Val – Rina 0-0