US LA VAL
 
 
     
 

2ª partida de campionat - Wiesen

Stampa PDF

DSCF19d60

I aversars da Wiesen segneia ti ultims diesc menüc y se porta a ciasa trëi punc.





Sot en surëdl cialdin d’altonn s’á musuré l’ultima sabeda le La Val cuntra la scuadra de Wiesen. Na partida en pert ecuilibrada, che é indere passada tles mans di aversars tla secunda pert, daulache ai á ince albü la miú segnan en gol sú tl’ultima pert dla partida.

Bele al prüm menüt tramorëia la porta ladina, do che l’atacant dl Wiesen se fej lerch al limit por trá sech cuntra la stangia de porta. Ti proscimi diesc menüc mët i aversars i ladins a düra proa, por fortüna é les contlujiuns debles. Le La Val se descëda ince y combat sön vigni palé por porvé a costruí le jüch, che ti gareta ince in pert. Le bun momënt passa spo indo tles mans dl Wiesen che drüca i padruns de ciasa te só mezciamp y röia ince a valgünes trates, indere nia prigoroses y scialdi dlungia porta ia. Le prüm tëmp se destüda ia sënza ocajiuns tleres da gol.

Tla secunda pert cun val modaziun tla formaziun de ciasa, röia i ladins cun Alex E. al 60^ da na pert y crossëia amez, i atacanc indere ne röia nia a dërt post por apogé te porta. Tla proscima mesora vëgnel combatü scialdi amez ciamp, cun püces ocajiuns a jí in vantaje da tramres perts. Impormó al 83^ ti sciampa l’atacant Volgger al limit y tira bass sön le prüm pé de porta, che ti gareta ince. Le portier Sepl se destira mo ne abina nia la cogura. Le gran cialt ti tôl les ultimes forzes ai ladins, che pro ciamó de avalié le resultat mo mëss la dé sö cun le sciür dla fin. Desplajüs i sogadus, che ess podü fa deplö por evité na pordüda antia.

 

La Val – Wiesen  0-1


Formaziun La Val: 1. Sepl Kantioler, 2. Thomas Ploner, 3. Michele Campei, 4. Max Nagler (dal 79^ Walter Complojer), 5. Paolo Vallazza, 6. Ivan Tschaffert, 7. Philipp Moling (dal 59^ Simon Campei), 8. Stefan Sottara – capitan, 9. Martin Menazzi, 10. Christian Terza (dal 58^ Alex Elzenbaumer), 11. Alex Ploner (dal 74^ Luca Bernardi)

 

Proscima partida: La Val süga en duman sabeda dales 15:30 a Dietenheim cuntra la scuadra de ciasa

 

Atri resultac:

Altherren (La Val): La Val – La Val: 0-1

Juniores (Mareo): Natz – Mareo: 9-1

Giovanissimi (Val Badia): Reischach – Val Badia: 1-1

U-13 (La Val): La Val – Dietenheim: 0-11

U-10 (La Val): La Val – Burnech 0-4


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©