US LA VAL
 
 
     
 

3ª partida de campionat - Dietenheim

Stampa PDF

DSCF19d60

Do la devënta de Copa Provinzia mess i ladins incassé na burta pordüda te campionat.





Nia le miú momënt por la scuadra da La Val de campionat, che mëss ciaré de cöie punc por ciaré de ne resté nia tles ultimes posiziuns de tlassamënt. Por la cronaca á La Val sughé la mercui dan otedé la partida de retüda cuntra le Uttenheim, davagn por 1-0 y passan insciö le prüm rode.

Le aversar da Dietenheim, incunté l’ultim fin dl’edema, á renforzé süa formaziun dot la direziun dl’ex alenadú dl La Val Floriani Claudio alias “Tano”. Sön le strënt ciamp de ciasa ne á chisc scinché nia.

Tla prüma cherd’ora é indere i ladins che comana le jüch y domineia le mezciamp aversar. Tratan chësc tëmp davagna le Dietenheim na trata dal ciatun al 6^ menüt, daulache l’atacant lascé sú pó rebat le palé te porta. Al 10^ fej Alex E. pié ia na gran trata cuntra porta, che vëgn delota dal’un dl Dietenheim sura porta fora. Al 20^ se descëda la formaziun de ciasa, davagnan cotanc de contrasc y devënta prigorusc sön les trates standard, ruvan ince a rebat le curan cuntra porta, chiló él scialdi Sepl che fej só laur cun segurté. Al 40^ ti sciampa l’atacant ala defenjiun ladina y tira cun forza sön le pé de porta, le palé rebatü vegn ciamó en iade abiné dal medemo che tira indere dlungia ia.

Determiná röia i aversars te ciamó tla secunda pert y radopleia le vantaje cun le gol dl sogadú Felder al 49^. Chisc comana ciamó le jüch por gran pert dla partida y ti conzed püch ai ladins, adinfora de na trata de Stefan al 70^ de püch dlungia porta ia. Le terzo gol toma spo ti ultims menüc, daulache Felder ti sciampa al defensur y tira sön le lunch pé de porta, Sepl rebat le curan, mo l’atacant è a dert post por canoné te rëi.

Dietenheim – La Val  3-0


Formaziun La Val: 1. Sepl Kantioler, 2. Thomas Ploner, 3. Michele Campei, 4. Ivan Tschaffert, 5. Paolo Vallazza (dal 89^ Walter Complojer), 6. Luca Bernardi (dal 64^ Simon Campei), 7. Alex Elzenbaumer, 8. Stefan Sottara – capitan, 9. Martin Menazzi, 10. Christian Terza (dal 58^ Martin Ploner), 11. Alex Ploner (dal 58^ Philipp Moling)


Proscima partida: La Val süga en duman sabeda dales 15:00 te ciasa le derby ladin cuntra Rina


Atri resultac:

Altherren (La Val): La Val – Rasen: 4-0

Juniores (Mareo): Mareo – Milland: 4-2

Giovanissimi (Val Badia): Val Badia – Ob. Jugend: 2-1

U-13 (La Val): Terenten – La Val: 7-0

U-10 (La Val): La Val – San Laurenz 0-5


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©