6ª partida de campionat - Jergina Amateure
I ladins mostra na buna prestaziun, mo ne é nia sta bugn de anuzé a dovëi les ocajiuns dan porta por castighé.
En prüm tëmp nia propi rich de ocajiuns, soghé por la maiú pert a mezciamp. Tla secunda pert comana i ladins le jüch, manacian plö iade de jì en vantaje cuntra i aversars da San iöre, impó ne é la devënta indere nia garatada.
I prüm vint menüc de jüch röia le San Iöre miú te ciamp, cun determinaziun se soghi le palé, ruvan ince a val bela trata. A de en gran sostëgn ala formaziun aversara é ince le alenadú-sogadú Althuber Benjamin, bele conesciü lunc y lerch por le passé da sterch sogadú. I ladins tol bel plan le jüch tles mans, al 18^ apogëia Alex E. al limit por la trata de Stefan, che röia de püch sura porta fora. Al 25^ conzed l’arbiter jonn na puniziun dal limit dl’area aversara: Michele C. tira cun forza mo le palé vëgn delot dal mür defensif; avisa te chësc mumënt röia l’aversar a sbat sënza urëi cun le comedun cuntra le ce de Michele. Sön la bóta cialda se alza le sogadú y süga inant cina la fin dla partida, mo mëss indere fa i cunc cun na massëdla sfenüda y manciará bunamënter tles proscimes partides. A Michele düt le miú y che al vëgnes indo zeruch plö sterch!
Plö interessant é le secundo tëmp, daulache i padruns de ciasa comana en gran pert le jüch. Al 60^ arlungëia Martin en bel palé a Philipp M., che á dificolté a controlé le palé te area y se arjüma la trata te porta. Alex E. fej ince pié ia na sterscia trata dai vint metri, le portier é indere reatif ala desfanté. Plö crossades y puniziuns röia ciamó amesa area, mo intres röia i compagns de scuadra tardîs ala contlujiun y è insciö püch efiziënc. Chësc porta ince pró de rischié val deplö ca dant cun l’inserimënt de en atacant inplö y dal’ater vers a rischié de se ciafé le gol. Cun mans y pîsc pro ciamó la scuadra de jí en vantaje, mo baldi ne garetel nia. Insciö mëna l’arbiter i sogadus sot ala duscia, desplajüs por en punt insuz, mo capazi por la buna prestaziun!
La Val – San Iöre Amateure 0-1
Formaziun La Val: 1. Sepl Kantioler, 2. Thomas Ploner, 3. Michele Campei, 4. Max Nagler, 5. Ivan Tschaffert, 6. Philipp Moling, 7. Alex Ploner, 8. Stefan Sottara – capitan, 9. Alex Elzenbaumer, 10. Christian Terza (dal 80^ Walter Complojer), 11. Martin Ploner (dal 62^ Alan Erlacher)
Proscima partida: La Val süga en duman sabeda dales 15:30 a Uttenheim cuntra la scuadra de ciasa
Atri resultac:
Giovanissimi (Val Badia): Taufers – Val Badia: 2-2
U-13 (La Val): Taufers – La Val: 5-2
U-10 (La Val): Alta Badia – La Val 4-1
