US LA VAL
 
 
     
 

Jadiné

Stampa PDF

Dala plaza dala dlacia a Pidrô ...

Bele dan da tröc agn, canche al ê gnü arji­gné la plaza dal palè jö Pidrô, gnê chësta anuzada tratan la sajun da d'invern sciöche plaza dala dlacia. Bele laôta êl tröpa jënt, sides jogn mo ince plü de vedli, che jê a se devertí cun i jadins. Por podëi pratiché chësc sport ince dasëra canche al ê scür, êl gnü me­tü sö lüms che iluminâ bel la picera plaza. Tl prüm gnê la plaza arjignada dal'U.S., plü tert él stè Angel Frenes, proprietar dl grunt, che se fistidiâ dla preparaziun dla plaza dala dlacia.

 

... fina ala zona dl sport "Plans"

La plaza dala dlacia a Pidrô é gnüda arji­gnada plü o manco vigni invern fina dan da püc’ agn, canche an á podü mëte man da anuzè la plaza dal palè "Plans". Tl invern 1994/95 é la dlacia gnüda fata por le prüm iade söla plaza nöia (ciara retrat chilò dlun­gia). Chësc s’á demostrè de gran ütl, dea­che an podô insciö anuzè les infrastrotüres bele esi­stëntes, sciöche l'implant d'ilumina­ziun, la condüta dal'ega, i locai da se mudé, le ma­ga­­zînn por mëte ía i jadins. L'Uniun dl Sport â ciafè a dër n bun prîsc jadins de secunda man dal Hotel Bel Sit da Corvara y dal HC Alta Badia che á insciö podü gní imprestá fòra a düc’ i interessá. Dantadüt intra­tan le prüm invern êl stè dër tröc mi­tuns y jogn che á anuzè chësta oca­jiun da jadiné söla plaza "Plans". L'ar­ji­gnamënt dla dlacia sciöche ince l'im­pre­stè fòra jadins é te chisc agn gnüs organisá da Vito Miribung. L'U.S. La Val á ince organisé n val­günes gares da jadiné en ocajiun de gares combinades cun d'atres di­sci­­plines (lüsa, schi, chidlé). Les gares gnê scialdi dagnëra tignides söla plaza dala dlacia a Corvara (Hotel Bel Sit).

 

FIL06437


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©