US LA VAL
 
 
     
 

Campionac taliagn de lüsa alta - Funes

Stampa PDF

IM_Villnss_2021-20

L’ultim fin dl’edema s’á le scenar dla lüsa alta sposté a Funes, daulache al è gnü tignís i campionac taliagn. Pro i plö asvelc ince i ladins.







 



Ince le sport dla lüsa alta à te chësta sajun da d’invern messü se confronté in pert cun la pandemia. Les prümes gares ofiziales prodüdes por la fin de dezëmber é gnüdes spostades plö inant. Impó y cun gran ligrëza de düc i atlec él sté meso lauré fora en protocol che ti á pormetü ai organisadús de tigní les gares tradizionales da scomencé cun la Copa de Südtirol, i campionac provinziai y valgünes gares por i atlec plö jogn. Le numer di partezipanc é gnü limité y le publich ne pó nia ester presënt a les gares.

Chësc ultim fin dl’edema él gnü tigní i campionac taliagn sön la pista “Ranuier Rungg” a Funes. I jogn atlec da La Val á fat süa parüda, mostran so savëi, früt dla preparaziun y di tröc alenamenc tignís ia por düt l’ann.

Tla categoria di aliefs é Lara Peccei y Matthias Moling che mostra sö le miú tëmp y se porta a ciasa la bela medaia d’or. Lara se posizionëia al prüm post cun bëgn 3,29 secunc de vantaje dala concorënza, deperpo che Matthias á la miú sön le secundo cun 0,46 secunc de vantaje. Tla medema categoria se posizionëia Alton Elias al 6. post.

Te tlassifica generala se aiudichëia pro i ëi le talent da Lijun Roman Kaser le titul talian, deperpo che pro les ëres é la jona Theresa Hilpold che garejëia por le Pfeffersberg la plö asvelta.

Sciöche ultima sodesfaziun, se porta i mituns a ciasa le pröm post pro la tlassifica a scuadres! Capazi pó ester i dui jogn atlec, che bele tla Copa de Südtirol, campionac provinziai y gares joniles Raika á porté a ciasa la medaia d’or! Sön le program éle ciamó la finala de Südtirol Cup ai 13 de merz ia en Plan de Gralba y döes gares joniles Raiffeisen, plö avisa ai 6 y 7 de merz. I atlec á de bunes poscibilites por stlü jö la sajun cun de gragn resultac!


 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©