US LA VAL
 
 
     
 

Gares dla roda

Stampa PDF

 

Rodes da munt

Ti agn 1986-1987 á l'U.S. La Val metü man da organisé vigni ann da d'altonn na gara de rodes da munt söla strada Ramëi - Armentara. Chësta ocajiun gnê ince anu­za­da por stè dedô n pü' adüm ía en Armentara a fá festa cun de vigni sort de jüc’ y na buna griliada. Mo ti ultims agn gnê l'interés por chësta gara trés mëinder. Ince sce le sport da jí cun les rodes da munt vëgn tres pra­tiché da deplü jogn y jones, n'êl mâ püces de­sënes che tolô pert a chëstes manife­sta­ziuns. Insciö á le consëi dl'Uniun tut la dezi­jiun da straihé por n valgügn agn chësta gara.

 

FIL06438

Premiaziun de na gara de rodes da munt sön Custacia (Armentara).

 

Ala fin de agost 1992 á l'U.S. La Val daidé la Pro Loco da La Val pro l'orga­nisa­ziun de na gara provinziala de rodes da munt da Lunz fina sön Armentara, dô che l'ann denant êl gnü organisé na gara de campionat regional söl percurs Pidrô - Ar­men­­tara. Chësta secunda gara cun na lun­ghëza de za. 11 km cun n deslivel de 430 m cundejô da Lunz demez fòra por le zënter dl paîsc fina sö Cians por ôje spo cuntra S. Berbora y inant fòra por les viles de Tolpëi, Ciurnadú y Coz. Da chilò jê spo le percurs de gara fina íte en Ramëi y spo inant fòra por bosch fina sön Armentara. Le miú tëmp é gnü realisé cun 36 menüc’ y 4 secunc’ da Nöckler Friedrich dl club Velo Bornech.

 

Gares de BMX

Ti agn denant ch'al foss stè le gran boom dles rodes da munt êl les rodes BMX che ciafâ danter i mituns n bun ressonn. Chësc sport jê te chisc agn dër de moda y porchël â l'U.S. La Val ti agn 1987 y 1988 ponsè de organisé gares por i mituns da La Val te chësta disciplina sportiva. Le percurs de gara gnê metü sö tla picia plaza dal palè a Pidrô, olache al gnê fat íte de vigni sort de otes y impedimënc’.

 

FIL06439

 

                               Söla picia plaza dl palè a Pidrô él gnü fat n valgünes gares de BMX.

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©