8ª partida de campionat - Percha
En fin dl‘edema da desmentiè por i sogadus da La Val. N‘altonn desfortuné por tröc sogadús, che á msé la dé sö dan la fin dla sajun, a gauja de infortuns o atri mai. La formaziun competada mo determinada a sla soghé. s‘á mosoré l’ultim fin dl’edema cuntra le Percha, aversar sterch posizioné a ciaval de tlassifica, che á castighé a dovëi i ladins.
Bele ti prüms menüc va i padruns de ciasa in vantaje. Sön na trata dal ciantun al 5^ rebat le atacant cun le spiné le palé te porta. Tosc radopieia Zingerle al 13^ le resultat, al ti sciampa ala defenjiun y tira lunch sön le pé de porta. La formaziun de Costabiei pro da se ciafé indo y a boc costruësc ince val ocajiun, mo i sogadus ne é nia efiziënc por le gol. Al 40‘ indere éle Alex E. che davagna na puniziun dai 30 metri por en contrast subí. Le medemo se presentëia dan le curan y tira sëch y lunch cuntra l‘incrujiada. Le bel gol deura indo la partida. Sëgn é l‘arbiter che mët indere man de tó dezijiuns che influenzëia de tröp l‘andamënt dla partida. Sön n‘aziun aversara vëighel naota na passaja daldöt nia gnüda a se dé dl defensur da La Val zeruch al portier Sepl che se acöia le palé tles mans. La cherta ghela y la trata daíte dl’area fej tromoré i ladins, la trata é indere massa alta. Püch do pëia ia l‘atacant dl Percha te posiziun de forajüch y mët le palé te area. L‘atacant vëgn contrasté dal defensur y davagna la mascima puniziun che vëgn inc trasformada. 3-1 le resultat dl pröm tëmp.
Bele al 50^ ti mostra l‘arbiter la secunda ghela a Thomas. La formaziun ladina mëss insciö s‘adaté y vëgn atacatada dal Percha da dütes les perts. Insciö ti gareta ince tosc i proscims trëi goi al Percha. Al 52^ de ce sön trata dal ciantun, al 56^ ti aroba l‘aversar le palé ala defenjiun, röia te area y tira sëch tl‘incrujiada y l‘ultim gol al 70^ da pert dl’atacant Peintner, rove sú dan porta al ma plö bria de chirí fora la dërta pert ulá trá.
Do sta lovina de goi pro ciamó le La Val de sughé y de porvé de ruvé dan porta. Al 85^ röia Alex R. a trá lunch, le portier deviëia de püch mo l‘atacant Andreas ne röia nia a apogé te porta. Al‘ultim menüt indere él ciamó Alex E. che deliziëia le publich cun n eurogol, sön na passaja controlëiel bun cun le tach y tira sëch sura le portier ite.
Na desfata ajia da dlotí. Impó ne é indo nia mancé la determinaziun, che dess ci gni portada tl‘ultima partida de chësc altonn, in vëndres a La Val.
Percha - La Val 6-2
Formaziun La Val: 1. Sepl Kantioler, 2. Natan Coletta (dal 69^ Denis Erlacher), 3. Simon Campei, 4. Thomas Ploner, 5. Paolo Vallazza, 6. Christian Terza, 7. Philip Moling (dal 60^ Martin Ploner), 8. Marco Miribung, 9. Alex Rubatscher, 10. Alex Elzenbaumer - capitan, 11. Mattia Mutschlechner (dal 80^ Andreas Campei)
Goi por La Val: Alex Elzenbaumer al 40^ y 90^
Proscima partida: La Val süga l’ultima partida d’altonn in vëndres dales 20:00 a La Val cuntra le San Iöre Amateure
Atri resultac:
U-15 (Val Badia/La Val): Val Badia – Steinegg: 2-0
U-13 (La Val/ Alta Badia): Natz/Schabs – La Val: 7-0
U-11 (La Val): Gsies – La Val 7-1
U-9 (La Val): La Val – Alta Badia 2-4 (sugada le mertesc)
U-9 (La Val): Perchina Füchse – La Val 2-5
