US LA VAL
 
 
     
 

Nudé

Stampa PDF

Chësc sport vëgn mâ püch pratiché

Al é conesciü lunc’ y lerch che le sport da nudè é üna dles disciplines sportives plü sanes, mo te nosc paîsc, sciö­che ince ti atri paîsc dla Val Badia, ne vëgnel nia pratiché dër tröp.

Les nodadoies plü daimprò a nosc paîsc é a La Ila y a Al Plan, che ne foss nia massa da lunc’. Chi che vá cun i schi mëss mâ ince fá zirca le medem iade. Canche la sa­jun turi­sti­ca é rovada vëgn les nodadoies scial­di stlü­tes, propi deache al ne convëgn nia da tigní davert por tan püces porsones che les anuzëia.

FIL06443

                                              Le grup de mituns che á tut pert al curs cun le maéster Alfred Erardi (1987).

 

Cursc y gares da nudè

L'Uniun dl Sport organisëia bele da tröc agn cursc da nudè por i mituns dla scora elemen­tara. Chësta buna ocajiun da imparè da nudè gnê vigni iade anuzada da tröc mi­tuns che y val' iade ne n’á por gaujes orga­nisatives gnan­ca düc’ i interessá podü tó pert.

I mi­tuns gnê condüc’ fina tla nodadoia a La Ila y indô zoruch cun le pulmin de pro­prieté dl'Uniun, cî che ê na gran bría por chi che se suratolô da fá chësc sorvisc. Tröc iadi él stè Giuvani Frenes che se á metü a de­spo­siziun, en ocajiun di ultims cursc él stè Sepl Comploi y Romeo Rubatscher che á fistidié da condüje i mituns te nodadoia. Pro i ma­éstri che á tigní le curs él stè Alfred Erardi, Maria Pescollde­rung, Sepl Zingerle y Simon Dapoz. L'Uniun á ince organisé y daidé or­ga­nisé cursc da nudè por gragn.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©