US LA VAL
 
 
     
 

9ª partida de campionat - San Iöre Amateure

Stampa PDF

La_Val_RinaRia partida cuntra le San Iöre, che castighëia sciöche al toca i ladins, suradüt tla secunda pert.







L’ultima partida dla sajun d‘altonn é gnüda antizipada al vëndres sëra. Le San Iöre ruvé adalerch a La Val â mostré düt só savëi, cis tla secunda pert, daulache i ladins é crolá y é gnüs castigá a dovëi.
Bele al 10^ davagna i aversars na puniziun dal limit, la trata ti sciampa sura le portier Sepl ite y röia daité dala linea de porta. Atira do röia Alex Rubatscher dan porta dl San Iöre, al pro la trata che röia indere sura fora. I ladins tëgn sö la presciun aversara bun cina la fin dla prüma pert dla partida.
Tl secundo tëmp variëia l‘alenadú dl La Val le modul de jüch, che porta ince sü früc tla prüma cherd‘ora: i aversars vëgn tignis sö ti dërc mumënc y stënta cun les repartënzes. Indere dal 60^ inant pëia ia le calvare por La Val. Le sogadú sterch dl San Iöre Piffrader se fej lerch amesa la defenjiun y tira sëch te porta. Al 68^ le medemo pëia da na pert jö y passa zrug a só fré Thomas che á ma plö bria da apogé la cogura te rëi. Le cuarto gol röia al 80^ sön na trata dal ciantun, chiló stachëia l’atacant y rebat le palé cun le cé te porta aversara. L’ultimo gol por le San Iöre röia al 85^, le sogadú Auer controlëia bun le palé al limit dl’area y fej pié ia na trata sëcia dlungia le pé de port ite.
Le La Val mëss ti dé para i trëi punc al San Iöre y stlüj jö la sajun d’altonn cun na bela batosta. Sëgn va le La Val tla palsa da d’invern a ciarié sö nöies forzes y a varí fora i mai de tröc sogadús, tomá fora amesa la sajun d’altonn.


La Val – San Iöre Amateure   0-5


Formaziun La Val: 1. Sepl Kantioler (dal 69^ Manuel Costabiei), 2. Natan Colletta (dal 55^ Marco Miribung), 3.Simon Campei, 4. Max Nagler, 5. Paolo Vallazza, 6. Christian Terza, 7. Martin Ploner, 8. Felix Nagler (dal 79^ Walter Complojer), 9. Alex Rubatscher (dal 81^ Andreas campei), 10. Alex Elzenbaumer, 11. Philip Moling (dal 56^ Mattia Mutschlechner)



Atri resultac de chësc fin dl'edema:

Altherren: La Val – Dietenheim 3-1

U-15: Eggental – Val Badia 1-1

U-13: La Val – Terenten 1-0

U-11: La Val – Mareo 2-1

U-9: Burnech – La Val 2-3

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©