Le La Val tëgn bun le prüm tëmp, mo vëgn sotmetüda a dovëi tla secunda pert.

 

 

En aversar sterch le Neustift, che á indo en iade mostré süa bravüra tl jüch, cun valgügn sogadús de n ater livel. I ladins á plö podü fa püch tl secundo tëmp, canche le jüch asvelt y agresif di aversars ti á taié leteralmënter les giames.

I prüms menüc é i padruns de ciasa al comane, al 6^ rebat na gran trata de Prosch cuntra la stangia de porta. I ghesc ladins é bugn a boc de porté inant le palé, mo röia püch ala contlujiun. Al 26^ sblochëia spo Oberhauser le resultat do na bela aziun cun crossada amez de só cumpagn. Le La Val reagësc indere y davagna na trata dal ciantun al 32^: Alex Miribung cun en bel stach rebat de ce cuntra porta, le refles dl portier é ejemplar y abina le pale che röia indere sön i pisc de Stefan S. che á ma plö bria de apogé te porta. Püch do le per röia Rubatscher Alex sú tl ciantun dl’area y pro la trata lungia te porta. Le portier mëss de destrá a deloj le curan te ciantun.

Sön en fal cuntra la defejiun ladina der tl dübe crossëia l‘atach dl Neustift cuntra porta, Nathan é bun de sciüré demez le palé mo al é indere Oberhuber che röia al spizuré ciamó en iade te porta. Le pröm tëmp sot la plöia se stlüj sö cun le vantaje de ciasa.

Dal scomenciamënt dla secunda pert mess Alex E. lascé le ciamp do en burt contrast cun l’aversar. Al 56^ se davagna le Neustift na trata dal önescmetri che vëgn ince trasformada dl 3 a 1. Le sceter dl jüch passa spo tosc ai padruns, che se süga le palé te na manira der efiziënta. Le proscim gol al 65^ sön trata de ciantun: Meneghelli lascé sú é sterch de ce y le roda sön le pé lunch de porta, por Nathan nia dan fa. Le ultim gol toma ciamó al 85^ anfat sciöche le cuarto, mo in chësc iade éle Oberhauser che rebat le curan de porta. Por el incö na triplëta. Por i ladins incö na duscia frëida.

Neustift – La Val 5-1

Formaziun La Val: 1. Nathan Massa, 2. Marco Miribung (dal 45^ Martin Ploner), 3.Alex Ploner, 4. Simon Campei, 5. Paolo Vallazza, 6. Christian Terza, 7. Alex Rubatscher (dal 73^ Martin Miribung), 8. Stefan Sottara – capitan, 9. Philip Moling (dal 60^ Philip Moling), 10. Alex Elzenbaumer (dal 50^ Felix Nagler), 11. Alex Miribung (dal 80^ Omar Hammad)

Gol por La Val: Stefan Sottara al 32^

Proscima partida: La Val süga in duman a Dietenheim dales 16:30 cuntra la scuadra de ciasa

Atri resultac de chësc fin dl'edema:

Altherren (La Val): La Val – Rodeneck/Vals 1-0

U-15 (La Val): Val Badia – Mölten 1-1

U-11 (La Val): La Val – Obopuschtra Jugend 1-6

U-9 (La Val): Reischach – La Val