US LA VAL
 
 
     
 

8ª partida de campionat rit. - Perca

Stampa PDF

La_Val_Rina

Tla penultima de campionat concretisëia i aversars miú les ocajiuns dan porta, deperpo che ai ladins ti falel la fan dl gol




 



Sot en sorëdl lorënt á afronté La Val i aversars da Percha l’ultima domënia te ciasa. En aversar sterch sön la cherta, che s’á inderé arjumé la ferata por fa le salt de categoria y ne é nia stá bugn de arjunj le travert fisé dan le campionat. Na partida ecuilibrada, cun valgünes ocajiuns d’or por La Val de jí in vantaje. Al é indere i aversars che passa in vantaje tla prüma pert y tëgn le resultat cina l’ultim menüt.

Dal mëteman dla partida é i padruns de ciasa al comane, bele al 8^ röia Felix da na pert jö y ciafa en bel palé sön le pé, amesa area prôl la trata bassa al jora, le portier se destira a desfanté la trata te ciantun. Püch plö tert é le Perca che davagna na trata dai önescmetri por en fal dla defenjiun ladina, ala trata se presentëia le capitan che ne tol nia jö les mesüres dla porta y tira dlungia ia. I ladins se ciafa insciö na scassada y tira fora na gran ocajiun al 25^: Matti vëgn sorví dal mezciamp amesa area, al controlëia bun le curan mo tira dlungia le portier ite te porta, a salvé le resultat é le defensur dl Percha che tëgn ciamó sö la cogura. Ocajiun falada y gol ciafé, insciö era spo jüda al 35^ daulach en palé alt amez area ladina vegn anuzé a dovëi dal’atach aversar. Del Fabbro controlëia y tira sura le un dl La Val ite por le 1 a 0.

Le cialt se fej sintí tla secunda pert, daulach les iames é plö pesoces y la luzidité da dô. En gran laur é le verdaporta Costabiei Manuel da La Plí de Mareo che fej, che á fat só debut cun la maliëta dl La Val. Al archita sö cotan de trates aversares y se fej insciö da atira respeté. De gran ocajiuns ne éle nia da mustré sö tla secunda pert, mo impó tegn sö i padruns de ciasa l’atach aversar y ti gareta a boc ince de costruí aziuns prigoroses, sënza indere ester bugn de jí a contlujiun. Le tëmp de jüch ne dëida nianca i ladins che mëss zede al sciür dl’arbiter. Na pordüda dala saú antia che fej resté le La Val sënza na devënta te ciasa tl rode de retüda.


La Val – Perca 1-0


Formaziun La Val: 1. Manuel Costabiei, 2. Simon Campei (dal 75^ Natan Colletta), 3.Alex Ploner, 4. Paolo Vallazza, 5. Max Nagler, 6. Felix Nagler, 7. Christian Terza (dal 65^ Alex Rubatscher), 8. Stefan Sottara – capitan, 9. Mattia Mutschlechner (dal 75^ Martin Ploner), 10. Alex Elzenbaumer (dal 65^ Luca Bernardi), 11. Alex Miribung (dal 70^ Alex Rubatscher)


Proscima partida: La Val süga in domënia dales 16:00 a San Iöre cuntra la scudra San Iöre Amateure


Atri resultac de chësc fin dl'edema:

Altherren: Dietenheim – La Val 2-1

U-15: Feldthurns - Val Badia 2-2

U-13: Terenten – La Val 3-4

U-11: Mareo – La Val 6-1

U-9: La Val – Burnech 1-1

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©