US LA VAL
 
 
     
 

4ª partida de campionat - San Iöre Amt.

Stampa PDF

La_Val_Rina

Na pordüda antia do na bela parüda cuntra en aversar sterch.








L’aversar dl San Iöre ne desmostra nia ma sön la cherta de ester sterch mo ince sön le ciamp. Bele tl rode de retüda á La Val messé patí na batosta decuntra. Chësc ultim fin dl’edema é i aversars ruvá a La Val determiná a se porté a ciasa saurí trëi punc.

Süa devënta é indere stada asuiada y indî nia sigüda. I ladins s’á arjigné a dovëi y s’á defenü cun conzentraziun, na picia dijatenziun ti á indere costé en önescmetri y insciö le vantaje aversar. Bele dal mëteman é la conzentraziun mascima te ciamp, vigni movimënt aversar vëgn studié jö y interzeté a dovëi. Ince le sterch Piffrader se stënta a se desmarché por rové pro le palé. La San Iöre á plö gunot le poses dla cogura mo mëss spo la zede en iade ruvá dan area. Al 28^ é l’atacant Pupp che driblëia al limit y tira bas cuntra le ciantun de porta, le curan rebat cuntra la pé.

Püch dan la fin dl prüm  tëmp se destaca bun le sogadú sön la fascia aversara, porta le palé cuntra area y vëgn contrasté dal defendur dl La Val: le mandl fosch mostra atira sön le önescmetri sënza sighité. Le set Piffrader se presentëia ala mascima puniziun y tira a bót sigü sot la stangia de porta. Cun en svantaje insuz va i sogadús tla palsa a se ciarié por la secunda pert.
I ghesc fej druch inant mo se limitëia a se sughé le palé tl mezciamp sënza podëi concretisé val aziun. Chësc i fej gní nervusc, tan da ti conzed ince ai padruns de ciasa val ocajiun. Al 65^ röia Matti sön na trata dal ciantun a dërt post a tra cuntra porta, le palé röia chiló por en pulan dlungia ia. Por le rest dl temp ne éle da mustré sö nia de gran ocajiuns, sciöche bele scrit danfora, l’intensité dl jüch é s’á scialdi mustré a mezciamp. Na pordüda antia da dlotí, do che la prestaziun dal punt d’odüda defensiva é stada al’ altëza.

La Val - San Iöre amateure  0-1

Formaziun: 1. Sepl Kantioler, 2. Thomas Ploner, 3. Max Nagler, 4. Paolo Vallazza, 5. Alan Ellecosta (60^ Nathan Colletta), 6. Christian Terza, 7. Manuel Ties (65^ Alex Ploner), 8. Stefan Sottara - capitan, 9. Philip Moling (55^ Alex Elzenbaumer), 10. Mattia Mutschlechner, (75^ Martin Ploner) 11. Michele Campei

Proscima partida: In domënia dales 15:30 a La ILa le derby cuntra l’ACD Val Badia

Atri resultac:

Altherren (La Val): Plose - La Val 5-0

Allievi (Val Badia): Val Badia - San Iöre  0-7

Giovanissimi (Mareo/La Val): Mareo - Vahrn  5-4

U-12 (La Val): Taufers - La Val  6-0

U-10 (La Val): La Val - Rina/San Martin  2-3

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©