1ª partida de campionat rit. - Pretau
Tla prüma de retüda ti pëta le La Val bëgn cater iadi l’ajëi al Pretau
Scomenciamënt tl rode de retüda sciöche al toca por la scuadra da La Val, che ne scinca nia y se mët i trëi punc de gaiofa. Le secundo tëmp é chël determinant, cun l’atach che dominëia i carantecinch menüc y castighëia a dovëi dan porta aversara.
Le mëteman é eculibré, cun les döes formaziuns che se stüdia y chir les loces por gní prigorusc. A 10^ pro Felix le palonët al portier, che röia indere püch sura fora. Al 21^ vëgn le resultat sbloché dan gran gol de Franz. Al süga fora la defenjiun y tira bass y sigü te porta por le 1 a 0. Le Pretau pro ince de tra dal limit al 30^, la bela trata indere röia de püch dlungia ia.
Le pröm tëmp se röia y i ladins s’á de msëi mët al sigü le resultat tl secundo tëmp.
Le alenadú Patrick fej val mudaziuns y chësc porta ince bun. Al 50^ abina Mattia Mutchlechner “Matti” en palé controlé dal portier, al se oj cuntra porta y apogëia te rëi por le 2-0. Le medemo Matti röia ciamo da na pert y apogëi amez, le portier prolungëies cun i dëic inant a Franz sú dan porta, che à ma plö bria de tra te porta. La formaziun de ciasa röia plö iadi ciamó na porta, mo al fala gonot la prezijiun.Le gol dl 4-0 toma ti ultims menüc de jüch: Paolo Vallazza se fej na bela scincunda le de de só compliann. Sön na trata de ciantun röiel a rebat sëch te porta cun en stach ejemplar.
Pié ia bun la sajun é tres de gran valüta. Important é porté inant chësta determinaziun tles partides che gnará.
La Val – Pretau 4-0
Formaziun La Val: 1.Giovanni Erlacher, 2. Paolo Vallazza, 3. Natan Colletta (dal 88^ Manuel Costabiei), 4. Max Nagler, 5. Michele Campei, 6. Christian Terza (70^ Alex Rubatscher), 7. Felix Nagler (60^ Manuel Ties), 8.Stefan Sottara capitan, 9. Philip Moling (75^ Marco Ellecosta), 10. Mattia Mutschlechner (89^ Di Lorenzo Meo Maximilian), 11.Franz Tolpeit
Goi por La Val: Franz Tolpeit al 21^ y 63^, Mattia Mutschlechner al 45^ y Paolo Vallazza al 90^
Proscima partida: In duman sabeda dales 16:00 a a Falzes cuntra la scuadra de ciasa
Atri resultac de chësc fin dl'edema:
Aliefs (Val Badia): Taufers – Val Badia 4-2
Jogn B (Mareo/La Val): Mareo – Schabs 1-2
