4ª partida de campionat rit. - Dietenheim

Le La Val á messé cöi adüm forzes nöies do la desfata cuntra le Uttenheim tratan le fin dl’edema de Pasca. A La Val él ruvé adalerch le Dietenheim, che bataliëia tla pert alta dla tlassifica por fa le salt de categoria. La formaziun de ciasa pó ester capaza dla prestaziun mostrada, cis dal punt d’odüda ofensif, daulache ai á mostré conzentraziun y determinaziun sön vigne palé.

Tl prüm tëmp é le scenar de jüch scialdi sté tl mezciamp ladin, cun le Dietenheim che á druché plö co i padruns de ciasa. Les cualites di sogadus individuai se lascia odëi bel tla prüma cherd’ora, cun valgünes ocajiuns prigoroses dan porta ladina. Le mür defensif mostra savëi y se para cun coraje cuntra l’atach aversar. Le resultat vëgn desgropé a mët man dl secundo tëmp cun en önescmetri dër tl dübe. L’atacant röia te area ladina y toma ados al defensur da La Val, l’arbiter é tl dübe y sighita dî dan sciuré tl sciüre, mo le fej impó y ti conzed insciö la mascima trata al Dietenheim che vëgn ince trasformada da Harrasser.

Les protestes ne porta a nia y la partida va inant cun le La Val che mostra coraje y costruësc ince val aziun cuntra porta aversara. Val trata mëss ince gní desfantada dal un aversar, mo ne le mët nia a düra proa. Sëgn é le Dietenheim che sofrësc te só mezciamp mo é bun de mët al sigü le resultat te gaiofa.

La Val - Dietenheim 0-1

Formaziun: 1. Sepl Kantioler, 2. Alan Ellecosta (dal 75^ Marco Miribung), 3. Kevin Kaslunger, 4. Paolo Vallazza, 5. Alex Miribung, 6. Philip Moling, 7. Christian Terza, 8. Manuel Ties, 9. Felix Nagler, 10. Mattia Mutschlechner, 11. Franz Tolpeit

Proscima partida: In duman sabeda dales 16:30 a San Iöre cuntra le San Iöre Amateure

Atri resultac

Altherren (La Val): Milland – La Val 0-4

Allievi (Val Badia): Val Badia – Bozner B  desdita

Giovanissimi (Mareo/La Val): Mareo- Laives  0-0

U-10 (La Val): La Val - Percha 0-1