US LA VAL
 
 
     
 

8ª partida de campionat rit. - Perca

Stampa PDF

La_Val_Rina

Le La Val manacia por püch de porté a ciasa la devënta cuntra le Perca, do ester jüs dui iadi en vantaje.





Chëra cuntra le Perca é stada na partida de reaziun, do che les ultimes partides ne á porté degügn punc y nianca degügn goi. I ladins va bele atira en vantaje y recuperëia tla secunda pert le pêr. En momënt desfortuné ti scinca indere ciamó en iade le pêr ai padruns de ciasa. Bele ti prüms menüc dal mëteman ne se capësc nia la defenjiun de ciasa y ti lascia lerch a Mattia M. che va sú cuntra le portier tiran sëch te porta. Le gol ti porta gran coraje ai ghesc che comana le jüch y tëgn bun les posiziuns te ciamp. Al 28^ manacia i aversars de avalié le resultat cun na bela trata che rebat indere cuntra la stangia de porta.

I ladins va tla palsa cun en gol de vantaje mostran gran vöia de porté a ciasa chësta devënta.

Tla secunda pert é indere le Perca che fej plö druch y röia ince a avalié le resultat sön na trata de puniziun al limit dl’area. Al pêr respogn atira la formaziun ladina: al 72^ taia fora na passaja la defenjiun dl Perca y le curan röia a Matti che se fej lerch a tra te porta por le 2 a 1. Püc menüc dedo é ince Michele che röia a trá sëch te porta, le palé rebat indere cuntra la stangia. Protagonist asolut adüm a Matti te chësta partida é ince le numer un Alex Pedevilla, che comana te area y defëna cun determinaziun la porta, valgünes de sües parades é stades dezisives por salvé le resultat. A püc menüc dala fin, canche i trëi punc é prësc te gaiofa, röia en palé amez sön la linea de porta, i defensurs pro de trá demez mo röia mal sön le curan, che cogora avisa sön le pé dl’atacant dl Perca. Chësc á ma plö bria de apogé le palé te porta ladina.

En pêr de consolaziun por La Val, che ess podü ester dessigü ince na devënta, mo mirité do na partida bataliada cina la fin.


Perca – La Val 2-2


Formaziun: 1. Alex Pedevilla, 2. Alan Ellecosta, 3. Michele Campei, 4. Kastlunger Kevin, 5. Paolo Vallazza - capitan, 6. Christian Terza, 7. Franz Tolpeit, 8. Mattia Mutschlechner, 9. Philip Moling, 10. Max Nagler, 11. Alex Rubatscher

Goi por La Val: Mattia Mutschlechner 3^ y  72^

Proscima partida: In duman sabeda dales 16:00 te ciasa cuntra le Gitschberg Jochtal


Atri resultac:

Altherren (La Val): Albeins – La Val 0-4

Allievi (Val Badia): Val Badia - Taufers 3-6

Giovanissimi (Mareo/La Val): Schabs - Mareo  5-2

U-12 (La Val): La Val – Stegen/St. Georgen/Dietenheim  0-5

U-10 (La Val): La Val – Alta Badia 2-2

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©