8ª partida de campionat - Valdaora
I aversars avaliëia le resultat al’ultm menüt de jüch do che La Val remuntëia la partida
Na partida interessanta cina la fin chëra dl La Val cuntra le Valdaora, che mët man atira cun i padruns de ciasa al’atach. Cun determinaziun rüvi bel atira a val trata importanta cuntra porta ladina, sciöche chëra de punizun al 10^, daulache Giovanni mëss dassënn se destrà por deloj te ciantun. Al 14^ va spo le Valdaora in vantaje cun na lungia crossada che röia diretamënter te porta. Tl bun momënt por i aversars se sblochëia indere i ghesc y al é Franz che avaliëia le resultat al 23^: le compagn Alex M. prolungiëia intant de ce por l’atacant che se fej lerch cuntra porta y tira sëch sön le pe lunch de porta por le 1 a 1. Tla cherd’ora dan la fin dl pröm tëmp mëss la defenjiun ladina ciamó se paré dassënn cuntra i atacanc aversars, che pro cun dütes les forzes de porté le vantaje tla palsa.
Tla secunda pert röia la formaziun de Gräber plö determinada te ciamp. I palés vëgn gestis a dovëi y cun le tigní les posiziuns te ciamp da ince do cotan la presciun di aversars. I ladins davagna tröps puniziuns da buna posiziun, mo che baldi ne vëgn nia anuzades y concretisades a dovëi. An mëss aspeté le 84^ por le vantaje ladin. Sön trata de puniziun röia Stefan a staché y a rebat le curan de ce te porta. Al mancia ma plö püc menüc y i ghesc se para ciamó cuntra le ultim druch aversar. Al’ultim menüt davagna le Valdaora na puniziun sön le ciantun dl ciamp, la lungia crossada röia an sogadú che crossëia ciamó en iade amez por le compagn sú che á ma plö bria de apogé le curan te rëi. En punt aje por i ladins che chira tres ciamó en pü de fortüna mo che pó imparé indo tres danü che le sciür dl’arbiter fej ruvé i nonanta menüc de jüch y nia canche an va in vantaje. La buna prestaziun ti da indere tröpa forza por afronté le Perca te ciasa pro l’ultima de campionat.
Valdaora - La Val 2-2
Formaziun La Val: 1. Giovanni Erlacher, 2. Simon Campei, 3. Max Nagler, 4. Paolo Vallazza, 5. Michele Campei, 6. Christian Terza - capitan, 7. Felix Nagler, 8. Stefan Sottara, 9. Alex Miribung (dal 78^ Martin Ploner), 10. Franz Tolpeit (dal 88^ Marco Miribung), 11. Philip Moling (dal 73^ Natan Colletta)
Goi por La Val: Franz Tolpeit al 23^, Stefan Sottara al 84^
Proscima partida: Sabeda a La Val dales 14:30 cuntra le Perca
Atri resultac:
U-15 (La Val-Mareo) : La Val - Taufers 5-5
U-11 (La Val): La Val - Welsberg. 1-1
