3ª partida de campionat - Wiesen
En punt porom foss sté iüst sce an ciara l’andamënt dla partida. I trëi punc vëgn indere tuc para dal Wiesen.
Les temperatüres cialdines dl’ultim fin dl’edema á fat da cornisc a en domisdé plajor por le publich rové adalerch al ciamp dl sport Plans a La Val. Sön le ciamp la formaziun de ciasa y chëra dl Wiesen, atualmënter tla pert alta dla tlassifica.
Les prümes sogades dla partida é dl La Val y batalié vëgnel scialdi amez ciamp. Impormo ala cherd’ora è le Wiesen prigorus cun na trata dalunc, le palé devié dala defenjiun tol en atra direziun, mo Sepl é chiló reatif a se sciuré dal’atra pert por abiné ciamó le curan.
La formaziun de ciasa se defënn bun tla prüma pert dla partida, i ghesc röia püch pro ocajiuns da gol. Dal’atra pert se stënta indere ince i ladins a ruvé pro porta.
Le secundo tëmp é plö interessant, bele ti pröms menüc pro Stefan a se delibré y trá sëch cuntra l’incrujiada de porta, le portier é bun da se destrá a deloj le curan te ciantun. Al 63^ röia en palé aversar al limit dl’area, l’atacant Rainer prô en palonët cuntra porta che vëgn devié dan defensur y tol insciö Sepl fora tëmp, le curan röia sot la stangia ite por el 1 a 0. I ladins pro inant de fa presciun y insciö röia Michele a na trata püch do le mezciamp, de potënza röia le palé indere a rebat sëch cuntra l’incrujiada de porta. I ultims menüc de jüch vëgn sogá tl mezciamp aversar, Michele se fej lerch amesa la defenjiun y ti sciamp plö iadi, la contlujiun indere é massa debla o le palé röia dlungia porta ia. Cun le sciür dl’arbiter mëss i ladins ti la zede. Sce an ciara l’andamënt dla partida foss sté le pêr plö co iüst.
La Val – Wiesen 0-1
Formaziun La Val: 1. Sepl Kantioler, 2. Natan Colletta, 3. Michele Campei, 4. Christian Terza - capitan, 6. Zanoguera Bruno, 7. Alexander Complojer (dal 70^ Egon Frenes), 8. Stefan Sottara, 9. Franz Tolpeit, 10. Philip Moling, 11. Maximilian Di Lorenzo Meo
Alenadù La Val: Klaus Gräber
Proscima partida: La Val süga duman sabeda dales 15:00 a Falzes cuntra la scuadra de ciasa
Atri resultac:
Giovanissimi (Mareo/La Val) = Mareo – Schlern 0-3
U-12 (La Val) = La Val - Mareo 0-3
U-11 (La Val) = Vintl – La Val 2-2
