US LA VAL
 
 
     
 

Scuadres dl palé di mituns

Stampa PDF

La formaziun di mituns é tres stada le prüm impëgn

Bele daimprüma insö él tres stè tl inte­rès di funzionars dl'U.S. La Val da ti insigné dant­adüt ai mituns da pratiché les desvalíes disciplines sportives y chësc prinzip vêl ince por les scuadres dl palè. Imprüma êl gnü metü man cun la parte­zi­paziun de na scua­dra al campionat dla Val Badia di mituns, spo él gnü tut pert adüm cun l'U.S. S. Martin ai campionac’ or­ga­nisá dal VSS (Ver­band der Sportvereine Süd­tirols), fina aldedaincö, olache l'U.S. La Val tôl pert instëssa cun döes scuadres di mituns al campionat provinzial. Ti ultims agn á les scuadres di mituns da La Val arjunt dër de bugn resultac’, ro­van danter les mius de düta nosta Pro­vin­zia.

 

Le plü important n'é nia davagné

Pro la formaziun dles scuadres di mi­tuns ne déssel nia dagnëra gní metü al prüm post le davagné o le rové prüms. La côssa plü importanta é da ti dè ai tröc mituns la poscibilité da imparè da soghé al palè y da pratiché sport en general. Le sport dess significhé por i mituns na ocupaziun sana por le tëmp lëde, n'alternativa a stè dan la televijiun o fòra por les strades a fá damat. I mituns che fej pert dles scuadres impa­ra ince valurs che vá plü inant co mâ le soghé al palè: al ti vëgn insigné da se compor­tè indortüra y sportivamënter, da se dai­dé fòra un cun l'ater, da tigní adüm y viji­né. Ai mëss imparè da se tigní a deter­mi­nades regoles de jüch y che ara ne vá nia dagnëra da davagné mo che an mëss ince savëi da perde. L'Uniun fej y á tres fat de gragn sforc por pité chëstes poscibilitês y zënza l'aiüt volontar de alenadus y acompagnadus che mët a desposiziun debann tröp tëmp ne foss chësc nia poscibl.

 

Campionat dla Val Badia di mituns

Bele dal ann 1975 inant él ince gnü organisé n campionat dla Val Badia por mituns (fina l'eté de 14 - 15 agn). Dal 1978 inant él ince stè la scuadra da La Val che á tut pert y ara á atira arjunt le 3.post. Da chësc pon odëi, che ince laôta ti gnêl bele dè na gran importanza a ti insigné ai mituns le jüch dl palè. I prüms alenadus y acompa­gna­dus che se fistidiâ dles scuadres di mituns ê Sepl Frenes, Giuvani Frenes, Rinaldo Ploner, Franz Moling, Sepl Sottara, Albert Sottara.


 

 

Campionat dla Val Badia di mituns

Scuadra

75

76

77*

78

79

80

81

82

Al Plan

1.

1.


1.

1.

2.

3.

2.

Badia

2.

4.


4.

4.

6.

p.


S. Martin

3.

3.


6.

6.


p.

5.

Corvara

4.

2.


2.

2.

3.

4.

4.

La Ila

5.

5.


5.

7.

4.

2.

3.

S. Ciascian

6.








Longega


6.







La Val

 

 

 

 

 

 

3.

5.

5.

p.

 

 

Rina





3.

1.

1.

1.

*    =   Tl ann 1977 n'é le campionat nia gnü organisé

p.  =   Partezipaziun zënza conësce le plazamënt arjunt

L'albo d'or

Al Plan

4 campionac’
(1975, 1976, 1978, 1979)

Rina

3 campionac’
(1980, 1981, 1982)


 

 

Partezipaziun ai campionac’ dl palè di mituns organisá dal VSS


 

Colauraziun cun les uniuns dl sport di paîsc vijins

Le VSS (Verband der Sportvereine Süd­tirols) organisëia ann por ann por les scua­dres de nosta provinzia i campionac’ dl palè por i mituns, che vëgn partîs íte aladô dl'eté te D-Jogn, C-Jogn, B-Jogn y A-Jogn, che é i plü vedli. Ti ultims agn él ince gnü laprò n mini-campionat por scuadres de E-Jogn (mituns de 2. y 3. elementara).

Mituns da La Val che sogâ pro les scua­dres joniles di paîsc vijins (S. Martin, Alta Ba­dia, Rina, Mareo) êl bele dai prüms agn 80. Na colauraziun particolara ân dagnëra al­bü cun l'U.S. S. Martin. Tl campionat 1988/89 él por le prüm iade gnü metü sö na scuadra deboriada danter La Val y S. Mar­tin. Por l'U.S. La Val êl Christian Videsott che se fistidiâ da daidé alenè y acumpa­­gné i mituns, adüm cun Leo Crepaz da S. Martin. Por cin' campionac’ alalungia él gnü portè inant chësta forma de colaura­ziun y al gnê ince, aladô ch'al é debojëgn, tut íte tles scuadres mituns dl'Alta Badia, da Rina o Al Plan.

FIL05686

Tl campionat 1988/89 él por le prüm iade gnü metü sö na scua­dra di mituns debo­riada danter La Val y S. Martin. Chësta colauraziun é jüda inant por 5 campionac’. Söl retrat la scuadra alenada da Leo Crepaz y Christian Videsott.

 



 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©