US LA VAL
 
 
     
 

Scuadres di mituns 1993-1996

Stampa PDF

Tl ann 1993, sciöche an á podü anuzè la plaza dal palè "Plans" a La Val, él spo sté por le prüm iade l'U.S. La Val che á metü sö instëssa na scuadra di mituns. La colaura­ziun cun l'U.S. S. Martin é por­chël impò jüda inant. Vigni ann él mituns de un n paîsc che soga tles scuadres dl ater paîsc a na ma­níera ch'ara vá insciö plü saurí da completè les scuadres. Insciö él ince meso da ti dé vigni ann a düc’ i mituns la posci­bilité da pratiché chësc sport, deache les döes uniuns se integrëia üna cun l'atra. Vigni ann dan le scomen­cia­mënt di campio­nac’ se mëton a üna söl numer dles scua­dres che les döes uniuns mët sö y söles poscibilitês da partí íte i sogadus.

 

Campionat D-Jogn 1993/94 (agn 1983 - 1986)

Cuntënc’ de podëi finalmënter anuzè la plaza dal palè "Plans", él atira gnü metü sö na scuadra por i mituns plü jogn. Te chësta categoría vëgnel soghé cun 7 sogadus por scuadra sön na mëndra plaza y de piceres portes (2 m x 5 m). I sogadus pò gní baratá íte y fòra tan de iadi ch'an ó y zënza messëi damanè l'árbiter.

 

c

 

I sogadus dla scuadra D-Jogn 1993/94 - impé da man ciampa (cun i goi fac’): Chistian Vide­sott (alenadú), Oskar Campei, Daniel Comploi, Andrea Irsara (2), Giovanni Trebo (10), Simon Frenes, Simon Pezzei, Florian Colz (2), Andrè Schuen, Sepl Comploi (alenadú). Cufá: Lukas Comploi, Freddy Sottara, Ivan Tschaffert, Daniel Frenes (14), Michael Frenes (3), Marcus Alton, Marco Frenes (8). Nia söla foto: Philipp Tavella.

 

 

A La Val él atira sté n gran interès da pert di mituns. Intratan düt le campionat él stè 16 mituns da La Val y S. Martin, alená da Christian Videsott y Sepl Comploi, che á fat pert dla scuadra y s'á comportè dër bun, arjunjon le 4. post tla tlassifica finala. Ai á davagné 7 partides, parejé üna y n'en á pordü 6, fajon indüt 39 goi y se n'en ciafan mâ 15.

 

Tlassifica finala y resultac`D-Jogn 1993/94 (clicca)

 

Campionat D-Jogn 1994/95 (agn 1984 - 1987)

Dô che la scuadra dal ann denant ê gnüda renovada daldüt (cin' sogadus tito­lars sön set ê passá inant ala categoría di C-Jogn, sogan chësc ann prò la scuadra da S. Martin), êl da se aspetè val' dificoltês da pié ía cun la scuadra nöia. Mo la scuadra á metü man da davagné üna na partida indô­latra, y ala fin dl campionat ân podü odëi la formaziun da La Val a ce dla tlas­sifica. Le bilanz de 16 partides davagnades y mâ 2 por­düdes, de 84 goi segná y 14 ciafá, é ve­ra­mënter da primat.

Fina l'ultima partida á i mituns da La Val messü combate por davagné le campio­nat. Degügn de ëi ne se desmentiará tan atira l'ultima giornada de campionat: les par­tides gnê sogades a Percha y la scuadra da La Val messâ davagné a düc’ i cosc’ cun­tra Reischach, sce ai orô restè al prüm post. Implü messâi sperè che la scuadra da Te­ren­ten ne davagnass nia cuntra Dieten­heim, scenò fossi gnüs apiá da chësta scuadra. Bel avisa éra jüda sciöche düc’ â sperè y düc’ canc’ tirâ salc’ dala gran ligrëza.

 

Tlassifica finala y resultac`D-Jogn 1994/95 (clicca)

Cualificaziun ales finales provinziales

La ligrëza ê dër grana, tan deplü che la scuadra podô sëgn tó pert ales partides de cualificaziun por se davagné la parte­zipa­ziun ales finales provinziales. Te chësc pice tornê a set scuadres, olache al rovâ adüm les mius formaziuns dla pert orientala dla Provinzia (les scuadres che â davagné i atri „gironi“), á i mituns da La Val desmostrè de ester bugn da ti tigní bot a dütes les atres formaziuns aversares. Zënza perde gnanca na partida sora s'é la scuadra plazada al secund post, se davagnan insciö le dërt da soghé la finala por le 3. post provinzial.

 

 

Tla gran contentëza y ligrëza êl ince n pü' de delujiun, deache mâ por la desfa­rën­zia de goi ne n'á la scuadra nia podü tó pert ala gran finala por le titul provinzial. Tla picera finala, sogada a S. Cristina ai 11 de jügn, á la scuadra da La Val dominé cun­­tra la formaziun da Lana, concuistan insciö le 3. post a livel provinzial.

La sodesfaziun por chësc resultat ar­junt, dessigü merité por le gran entu­siasm y impëgn che i mituns á mostrè sö, ê sam­bëgn dër grana, sides por i sogadus, alena­dus y acompagnadus sciöche ince por l'Uniun dl Sport. L'impëgn y la ligrëza da soghé al palè mostrè sö dai mituns podess ester d'ejëmpl por tröc sogadus gragn.


 

Partides de cualificaziun
ales finales provinziales

La Val - Sterzing

0 : 0

La Val - Taisten

3 : 1

La Val - Schabs

3 : 3

La Val - Steinegg

1 : 1

La Val - Latzfons/Verdings

2 : 1

La Val - Salurn

3 : 1

Les partides é gnüdes sogades a Vahrn
i dis 03.06. y 05.06.1995

Tlassifica dô les partides de cualificaziun

Scuadra

Partides

Goi

Punc’

 

 

 

 

sogades

davagn.

parejades

pordüdes

fac’ / ciafá

 

 

1.

Schabs

6

4

1

1

20 : 7

9

2.

La Val

6

3

3

0

12 : 7

9

3.

Steinegg

6

4

1

1

8 : 6

9

4.

Salurn

6

3

1

2

12 : 6

7

5.

Sterzing

6

1

2

3

5 : 12

4

6.

Latzfons/Verdings

6

1

0

5

5 : 15

2

7.

Taisten

6

1

0

5

3 : 12

2

Finales provinziales
D-Jogn 1994/95

Finala:

Obermais - Schabs

3 : 1

Finala 3.post:

La Val - Lana

2 : 0

Les finales é gnüdes sogades
a S. Cristina ai 11.06.1995

 

 

d

La scuadra di D-Jogn 1994/95 che á con­cuisté le 3. post pro­vinzial - impé da man ciampa (cun le numer de goi realisá): Rinaldo Ploner (acompagnadú), Lukas Comploi, Bruno Vallazza, Daniel Mi­ribung (1), Alessandro Ploner, Daniel Comploi (1), Andrè Schuen, Marcus Alton, Sepl Comploi (alenadú). Cufá: Andreas Frenes, Michael Frenes (22), Werner Ploner, Daniel Frenes (52), Ivan Tschaffert (2), Freddy Sottara (21), Filippo Schuen. Nia söla foto: Piter Flöss, Arthur Zingerle.

 

Campionat 1995/96 - C-Jogn (agn 1983 - 1984)


Chësc ann é dessigü stè n ann impor­tant tla storia dl'U.S. La Val. Al ne n'é nia mâ stè le prüm ann de partezipaziun al ca­m­pio­­nat federal cun la scuadra di gragn, mo ince le prüm iade, olache an é piá ía cun döes scuadres di mituns. Pro la scuadra di D-Jogn, che â bele tut pert ai ultims dui campionac’, él ince gnü scrit íte na scuadra di C-Jogn, ale­nada da Sepl Comploi cun l'acompa­gnadú Davide Frenes. Zirca mec i compo­nënc’ de chësta scua­dra â bele soghé l'ann denant pro i C-Jogn da S. Martin y i atri é passá inant dala scuadra di D-Jogn da La Val, che â concuisté l'ann denant le 3. post provinzial. Dantadüt tla prüma pert dl campionat á la scuadra soghé n valgünes dër de bu­nes partides, mostran n bun livel de jüch. Le 3. post te tlassifica dô les partides da d'altonn ê dessigü plü co mirité, ince en con­scidra­ziun che te val' partides á la scuadra albü n pü' de desfortüna y s'ess mirité val' punt implü. Tles partides da d'aisciüda él stè n val­­gügn mituns che s'á fat mè y insciö á la scua­­­dra messü n pü' gní comedada y ince por gauja di püc’ sogadus a desposiziun ne n’éra nia plü jüda da arjunje tan de bugn re­sul­tac’. Te chësc campionat, che tôl íte i mituns dla scora mesana, ne n'él nia saurí da mëte a soghé bun adüm i mi­tuns, deache tröc é demez a scora y insciö ne vara mai da se alenè düc’ adüm. Le 4. post arjunt ala fin dl campionat é dessigü n resultat positîf. Na bela sode­sfa­ziun por i mituns é ince stada chëra, che cater de ëi á podü tó pert ala se­le­ziun dl raiun dla Val de Puster en ocajiun de n tornê internazional soghé a Lana.

Chisc mituns á soghé tla scuadra (cun le numer de goi realisá): Marcus Alton, Oskar Campei, Ewald Clara, Florian Colz, Da­niel Comploi (1), Daniel Frenes (13), Mar­­co Frenes (6), Michael Frenes (1), Si­mon Frenes, Andrea Irsara (4), Simon Pez­zei (1), Alessandro Ploner, Andrè Schuen, Freddy Sottara, Armin Tavella, Philipp Ta­vel­la, Giovanni Trebo (23), Denis Tschaf­fert, Ivan Tschaffert, Bruno Vallazza y Arthur Zingerle.


 

Tlassifica finala y resultac`C-Jogn 1995/96 (clicca)


 

 

 

FIL03951

La scuadra di C-Jogn 1995/96 - impé da man ciampa: Sepl Comploi (alenadú), Marco Frenes, Simon Pezzei, Giovanni Trebo, Alessandro Ploner, Armin Tavella, Andrè Schuen, Simon Frenes, Davide Frenes (acompagnadú). Cufá: Florian Colz, Daniel Comploi, Ivan Tschaffert, Daniel Frenes, Andrea Irsara.

 


Campionat 1995/96 - D-Jogn (agn 1985 - 1988)


La scuadra da La Val á dominé adüm cun la scuadra da Falzes la prüma pert dl campionat, rovan trames döes adüm al 1. post dô les partides da d'altonn.

 

 

Tla secunda pert dl campionat, canche la scuadra á messü se mosuré cun les mius scua­dres di atri "gironi", s'ara ince comportè dër bun, lascian odëi n bun jüch. Mo te bëgn 5 partides ne n'é i mituns de Rinaldo Ploner y Sepl Miribung nia stá bugn da se portè a ciasa i trëi punc’ dla devënta, che foss gonot stá miritá y messâ se acuntentè dl resultat de parité. Insciö él sozedü che ala fin dl campio­nat á la scuadra messü s'acuntentè dl 6. post, ince sce dal punt de odüda dl livel de jüch s'ess i mituns da La Val dessigü mirité de rové prò les prümes cater formaziuns y de podëi insciö tó pert ales cualificaziuns por les fina­les provin­ziales. Cî che ti á n pü' falè ala scua­dra é ma­gari stada la dificulté da fá goi, gonot ince por gauja de n pü' de desfortüna.


 

Tlassifica finala y resultac`D-Jogn 1995/96 (clicca)


 

 

e

La scuadra D-Jogn 1995/96, alenada da Rinaldo Ploner y Sepl Miribung. Impé da man ciampa (cun le numer de goi realisá): Filippo Schuen (5), Daniel Sottara, Michael Frenes (20), Daniel Miribung (3), Denis Tschaffert (1), Fabian Sottara. Cufá: Elmar Valentin, Florian Valentin, Andreas Frenes (1), Freddy Sottara (9), Lukas Comploi, Werner Ploner y Georg Miribung. Laprò n'él ciamò stè tröc d'atri plü de jogn che é tres jüs ai alenamëc’ y che gnará dessigü prò da soghé tl proscim campionat.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©