US LA VAL
 
 
     
 

Viola Camp 2009

Stampa PDF
ViolaCamp_2009_GruppoDai 24 ćina ai 29 de agost él gnü organisé dala Uniun Sport Amatoriala La Val la secunda ediziun dl “Viola Football Camp”. Chësc iade àl tut pert 50 mituns (17 da La Val, 15 dal Mareo, 14 dal’Alta Badia, 2 da San Martin y 2 da foradecà). A d’alenè y insigné les tecniches dl palê él stè cater alenadus che à na gran esperiënza te chësc setur. Plü avisa se tràtel de Rizzo Francesco (ex śogadù de “serie A” y nazionala taliana) che se à dè jö cun les tecniches da stopè y le saltè cun le pal. Mancini Oliviero che à insigné le “dribbling” y le colp te porta. Mancini Fabrizio (le möt de Oliviero) che à fat eserzizi de velozité y forza. Ricettelli Carlo (ex secundo portier dla Roma) che ti à insigné ai 9 portiers les tecniches de basa por deventè n bun portier. Bele le pröm dé àn odü che i mituns â n gran interès da imparè valch de nü, an à odü düć che metô dër averda ći che i alenadus dijô y se porvâ. Cun gran plajëi ùnse podü aldì dai alenadus che chësc é stè le grup ćina śëgn che se à porvè le plü y olache al ê na gran disciplina. Chësc à dessigü portè de bugn früć a düć i mituns. Na gran fortüna él stè cun le tëmp che é stè döta l’edema dër bel, i podôn insciö jì inant cun döt le program dl camp. Le camp é gnü stlüt jö la sabeda olache al é gnü fat scuadres moscedades y che al é gnü śoghé n pice tornê. Atira àn odü i mioramënć suradöt dl jüch y dla posiziun te ćiamp di singui śogadus. Do le tornê él gnü fat na picia premiaziun olache al é gnü partì fora n atestat de partezipaziun al camp cun les firmes di alenadus. Le presidënt dla Uniun Sport Amatoriala La Val à rengrazié düć i volontars che à daidé organisé le camp suradöt Sottara Fabian, Ferdigg Christian e Sottara Freddy y les cöghes che à cujiné dër bun döta l’edema. N giulan particolar ti va inće ai cater sponsors: Cassa Raiffeisen Val Badia, Edilfer, Selgas y Proficolor.

Pur ciaré ales foto clicca. FOTO
 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©