US LA VAL
 
 
     
 

Derby cuntra Alta Badia

Stampa PDF

IMG_3115Ai 12.04.2010 él gnü sughé le derby La Val cuntra Alta Badia. La partida è jüda fora 1:2 pur i badioć, che se porta insciö a 4 punć dan da La Val che è segn quinti, cun na partida demanco.  Da met man ne él nia ste granes ocajiuns da trames pertes. La prüma ocajiun á albü Sottara Freddy da La Val al 12° canche al se è azentré verso l’area tiran te porta, mo sön le portier y massa plan. La partida gnê plü co atra sugada a centrocampo. Al 20° él sté Rubatscher Florian che á trat fora en fallo dan l’area. La punizione è gnüda trata da Sottara Freddy mo che è jüda bun sura la traversa fora, sprecan insciö la occajiun da se porté in vantaje. Al 25° el gnü spo le goal dl Alta Badia. Al è gnü en cross dala pert ciampa, Tavella Giordan è ma ste bun dala spizuré cun le cé, purtan insciö fora traiettoria le portier da La Val Vallazza Merch.

Stampfer Matthias á insciö pudü apogé ite cun le cé le pal, portan insciö la süa scuadra in vantaje. Do le goal á La Val en pü subí le pressing dl Alta Badia, sura düt dai dui attacanti, Rossini Marco y Alfreider Roland. Insciö ne pudô nia le portier da La Val sughé fora cürt ai difensori mo messô tra sö i rinvii. Cui rinvii lunć se fajo en pü ert La Val, deache i badioć abina scialdi düt de testa. Le prüm temp se á stlüt jö sön le 0:1 pur l’ Alta Badia. Le secundo temp á La Val metü man bun. Ai è stá bugn da costruì aziuns, sura düt dales fasces sö, mo ruvan nia trep ala conclujiun te porta. Al 60° él spo ste Rubatscher Florian sön rigore che á purté La Val al pareggio. Le rigoré è gnü dé, sön na scbürla te area sön Rubatscher Florian, do en calcio d’angolo. Al 65° él Pescollderungg Manuel che fesc en palo esterno, cun en gran tiro al volo fora dl’area. Püch dedô él Sottar Freddy che mess gni baraté fora cun Verginer Franzi, deache al se á fat mé sön en contrasto dan area. La punizione che vegn dada a La Val èl Alton Alex (capitano) che tira püch sura fora, sprecan insciö l’ocajiun da purte in vantaje süa scuadra. Al 70° él Rubatscher Florian, le portier dl Alta Badia y en só difensore che se scontreia te area, pur furtüna ne él ste degügn co se á fat me. Le secundo goal pur i badioć vegn ince dan rigore al 75°. Te chesta ocajiun á La Val nia marché atira Pallestrong Damian sön na rimessa, insciö al podü crosse ite a mez, Alfreider Roland è ste bun da met jö le pal sön le pé. Valentin Elmar á purvé da til tó, mo al á abine le pé fajon insciö en fallo te area, che l’arbitro á udü, fischian le rigore. Stampfer Matthias se á tut in chesc iade la responsabilité da tra le rigore, tiran en bel rigore bas dlungia le palo a manderta ite. La Val á ćiamó purvé ala fin da recuperé almanco le pareggio. Sottara Stefan cun en gran tiro da lunć, mo che Agreiter Philipp è ste bun da paré. Al 85° él ćiamó Elzenbaumer Alex che è bun da salvé en pal che je bel fora, cun na gran giocada él bun da fa ji le pal dlungia le difensore ia, che le tol spo cun la man. Mo l’arbitro ne á nia udü y ne ti á dé nia insciö en rigore netto. La partida se röia sön le 1:2 pur l’ Alta Badia.

In cürt  ćiamó les sostituziuns da pert dla scuadra da La Val.

Al 65° Verginer Franzi pur Sottara Freddy (che se á fat mé)

Al 70° Elzenbaumer Alex pur Frenes Michael

Al 75° Miribung Alexander pur Rubatscher Romeo

Al 80° Kaneider Denis pur Sottara Werner

Pur ciaré ala formaziun y la panchina clicca la foto in injunta.

derbyaltadefinitiva

Pur ciaré ales foto clicca. FOTO

Pur ciaré ala tlassifica y i resultać dles artres partides clicca. Resultać y tlassifica

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©