US LA VAL
 
 
     
 

La Val cuntra Raas

Stampa PDF

P1040466Ai 25.04.2010 él gnü sughé la terza partida pur La Val cuntra Raas, i prüms te tlassifica, in ćiasa. Do da la vitoria cuntra le Mühlwald é stada buna la scuadra da La Val da purté a ćiasa ince in chesc iade trei punc, davagnan 4 : 1. Cun chisc trei punć se porta La Val al 5. post, cun na partida demanco. La partida met man cun en gran ritm da trames le pertes. Da met man dla partida é Rubatscher Romeo che á na gran chance da purté La Val in vantaje, mo le tiro de testa vegn paré dal portier aversar.  Al 5°min él Frenes Michael che tira na puniziun sot a metacampo y Sottara Stefan che fesc en tiro de püch sura traversa fora. Do chesta ocajiun é Vallazza Merch bun da paré de plü chancen dl aversar, cun de gran parades. An sent che le goal pó gni a mumenć da trames les pertes. Al 30° él spo Rubatscher Florian che é bun da purté la scuadra da La Val in vantaje. Le prüm temp se stüsc jö sön le 1 : 0 por La Val. Tl secundo temp él indo La Val bugn da se purté sön le 2 : 0 cun Rubatscher Romeo, sön passaggio de Frenes Daniel. Püch dedo él Raas che ćiafa na puniziun, che vá spo sön la traversa. Sön le unico pice fal dl portier da La Val, ulache al ti sciampa le pal fora dles mans,  é bugn i aversar da accorcé sön le 2 : 1. Al 20° é spo Elzenbaumer Alex bun da purté La Val sön le 3 : 1 cun so prüm goal ofiziel, l'esultaziun é inće stada alado. Chesc terzo goal ti á spo taié les giames a Raas, che é ma bugn cun val puniziun da lunć da impegné Vallazza Merch. Ala fin dla partida é ćiamo Castlunger Marco bun da segné so prüm goal, le 4 : 1. La partida se stlüsc jö sön le 4 : 1. Cun chesta partida un udü che le laur che é gnü fat chisc ultimi agn, cun i jogn, porta bel plan sü früć.

 

In cürt ćiamo les sostituziuns dla partida:

Al 45° Valentin Elmar por Sottara Werner

Al 50° Elzenbaumer Alex por Frenes Michael

Al 70° Miribung Alexander por Rubatscher Florian

Al 75° Castlunger Marco por Nagler Max

 

  

Por ciaré ala formaziun y la panchina clicca la foto in injunta.

 

 

hhhhddfd 

 

Pur ciaré ala tlassifica y i resultać dles artres partides clicca. Resultać y tlassifica

 

P1040467P1040472P1040473

 

 

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©