US LA VAL
 
 
     
 

Derby: San Martin vs. La Val

Stampa PDF

IMG_4097Ai 02.05.2010 él gnü sughé la quarta partida (secundo derby) por La Val cuntra San Martin, fora de ćiasa. Do da la vitoria cuntra i prüms dl Raas ne é nia plü stada buna la scuadra da La Val da purté inant la bela serie de vitories, purdon 0 : 1. Cun chisc trei punć lasciá sön trú resta La Val al 5. post y ne é nia bugn da sfruté le pareggio dl Alta Badia cun le Gsies. A San Martin él sté en grüm de tifosi, ince da Al Plan deache vei ne suga nia chesta dumenia. La partida met man cun en bel palo de Frenes Michael sön puniziun trata fora da Miribung Alexander. Ti prüms menüć á La Val de plü poscibilites da jí in vantaje, mo ai ne é nia bugn da met le pal te porta. Frenes Michael fesc en gran "Druck" sön la fascia derta ruvan a deplü conclujiuns, mo le portir da San Martin Moling Michael é tres bun da paré. Deplü crosc vegn dala pert derta por i dui attacanć, mo le pal ne röia nia te porta. A mesa le prüm temp él spo San Martin che met man da aumenté le ritm y röia ince vei a deplü poscibilites da se porté in vantaje.

Le arbiter met man da sciuré deplü fals, che ne é nia, sides dala pert de San Martin che da La Val, insciö met man la partida da perde  cualité y jüch. Le prüm temp se stlüsc jö sön le 0 : 0. Tl secundo temp él spo San Martin che süga le "jolly" Winkler Franz. Che porta spo San Martin in vantaje. La difesa da La Val ne e nia metüda sö bun, spo él gnü en bel lancio, che á spo metü Winkler dassú dan Vallazza Merch, che ne á albü degüna chance da paré le tiro bel piazzé dlungia le palo a manciampa. Do le goal ne é nia plü buna la scuadra da La Val da fá só jüch. Purvan da fá plü "Druck" dant, é San Martin der prigorusc sön i "contropiedi". Deplü iadi mess i difensurs da La Val archité i sogadusc da San Martin cun en fallo. Deplü puniziuns dl San Martin vegn sprecades, tiran te bariera o fora de porta. I sogadusc met ince man da se inervosí, deache le arbiter ne á nia plü la partida tles mans, sciuran insciö deplü coses che ne é nia. Al mess ince tra fora deplü amoniziuns, Ploner Werner vegn ala fin sciuré fora pur soma de amoniziuns, le alenadú da La Val, Scalzini Marco, vegn incé sciuré fora. La partida se stlüsc jö sön le 0 : 1 por San Martin.

In cürt ćiamó les sostituziuns dla partida:

Al 65° Elzenbaumer Alex por Miribung Alexander

Al 75° Verginer Franzi por Sottara Stefan

Al 80° Castlunger Marco por Nagler Max

Por ciaré ala formaziun y la panchina clicca la foto in injunta.

Formazione45

Por ciaré ala tlassifica y i resultać dles artres partides clicca. Resultać y tlassifica

Por ciaré ales foto dla partida clicca. FOTO

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©