US LA VAL
 
 
     
 

3. ediziun "Viola Football Camp"

Stampa PDF

violacampL’Uniun Sport La Val organisëia por le terzo iade, en colaboraziun cun les atres uniuns sportives de nosta valada, n „camp“ de n’edema por düć i mituns che soga al palè, tigní dal’Associaziun “Viagginsport” da Firenze che é spezialisada ti alenamënć di mituns. Al é le cuarto iade che le „Viola Football Camp“ vëgn organisé te nosta valada. Chësta é na gran ocajiun por nüsc mituns y inće por nüsc alenadus da odëi y da imparè diretamënter da alenadus profescionnisć, che laora esclusivamënter tl setur jonil. No se lascede sciampè chësta oportunité da imparè por n'edema alalungia chisc metodi nüs d'alenamënt! La poscibilité da tó pert ti vëgn dada ai mituns y mitans nasciüs ti agn 96 – 97 – 98 – 99 – 2000 - 2001. Le „camp“ metarà man le lünesc ai 23.08. y jará fina la sabeda ai 28.08.2010 y gnarà tignì a La Val – ciamp dl sport Plans. L’orar jarà vigni dé dales 10.00 ales 12.00 y dales 14.00 ales 16.00 (la sabeda ma fina misdé). Por curí les spëises d’organisaziun él gnü chirí deplü sponsors. Le cost che resta da paié por i partezipanć é porchël valgamia bas, plü avisa 120,00 € porom.

Te chësc prisc éle laprò:

• 6 dis de curs

• 5 marënes

• 1 kit de guant por i alenamënć (malia, braia cürta, t-shirt, kw)stemma_camp

I interessá é periá da se scrì íte anter la sabeda, ai 5 de jügn 2010, scrion fora la zetula d’iscriziun che gnará partida fora dales Uniuns dl Sport de vigni paisc. Por gaujes d’organisaziun mëss le numer di partezipanć indô gní limité a 70. A vigni uniun dla Val Badia ti vëgnel resservè entan de posć. Le prîsc d’iscriziun mëss gní paié ite canche le müt á ciafè da süa uniun sportiva la conferma de podëi tó pert al "camp”, mo al plü tert anter i 15 de jügn 2010 söl c/c intestè al’U.S.A. La Val pro la Cassa Raiffeisen dla Val Badia (IBAN IT 15 L 08010 59130 000303000885). L’iscriziun al “camp” pó gní trata jö dala cuta pro la detlarziun dl vadagn dl ann 2011, da pert dl genitur che paia ite. Al pó gni trat jö le 19% sön la soma mascima anuala de 210,00€ por vigni contribuënt. (informaziuns plü avisa gnará dades sön la zetula d’iscriziun. Düć i partezipanć al „camp“ mëss avëi la vijita dal dotur dl sport (sura 12 agn) o le zertificat dal dotur de familia (sot a 12 agn), che mëss gní portè para le prüm dé dl "camp“. Por informaziuns plü avisa podëise telefonè a Fabian Sottara sot al nr. 333-4750466 (do le 5 da sëra).

In aleghé le link dl’Associaziun “Viagginsport”. http://www.viagginsport.com/homepage.asp 

Por udei fotos dles ultimes ediziuns clicca. FOTO

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©