US LA VAL
 
 
     
 

3° partida campionat 2010/2011

Stampa PDF

IMG_1825In dumenia ai 19 de Setëmber él gnü sughé la terza partida dl campionat 2010/2011 de  3° categoria por La Val. La partida é gnüda sugada fora de ćiasa cuntra le Percha (scuadra che ai á belo abiné te copa provinzia y ulache La Val á davagné 1 a 0 te ćiasa). La partida è jüda fora  0 a 0. Ala fin dla partida mëssun indô dí che La Val éss mirité da davagné, mo sciöche la situaziun é al mumënt, se stënta i atacanć da La Val da fá goi.

Deplü bunes ocajuns ne é nia gnüdes scfrutades indô, lascian insciö 2 punô zoruch, che éss oghé por la tlassifica.  Da mët man la partida è La Val che süga damí co le Percha. Rubatscher Florian röia da sú cuntra le portier, mo ala fin röia le pal sura la traversa fora.

La Val pro tres cun le pal bas da se fá inant, mo al é ri da superé le mür da Percha y ruvé a conclujiuns. Deplü bi crosc de Sottara Werner röia ite a mesa l'area di aversars, mo degügn sogadusc da La Val ne é bugn da spizuré ite le pal te porta. Le Percha é ma bugn da rinvié sö lunć dala divesa. Le prüm tëmp se stlösc jö sön le 0 a 0. Tl secundo tëmp é La Val che aumentëia le druch, le Percha se stlüsc ma plü zoruch, defendon insciö le pareggio. A mesa le secundo tëmp davagna le Percha na bela poniziun de püch fora dl area. La poniziun vëgn trata dër bun, mo Sani Sandro é bun cun na beliscima parada da devié la pala te angolo. Ala fin dla partida pro ciamó La Val da fa le goal che ti portass la vitoria, mo le pal ne röia nia te porta. Marco Castlunger y Verginer Franzi éss ince ciamó la poscibilité da fa goal, mo i dui tiri é massa debli y insicö á le portier da Percha saurí da paré. La partida se stlüsc jö sön le 0 a 0. La Val á mustré en bun y bel calcio, mo al mancia madër ciamó i goi sön dütes les beles oportunites che la scuadra é buna da crié.


 

La formaziun titolara dla partida:

2010-11Percha



In cürt ciamó les sostituziuns dla partida:

al 45 Tolpeit Daniel  por Tavella Jordan

al 65° Elzenbaumer Alex por Sottara Freddy

al 70° Verginer Franzi por Frenes Michael

al 80° Castlunger Marco por Rubatscher Florian



Por ciaré ala tlassifica y i resultać dles artres partides clicca. Resultać y tlassifica


Por ćiaré ales foto dla partida y dla festa dedô clicca. FOTO

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©