US LA VAL
 
 
     
 

5° partida campionat 2010/11

Stampa PDF

IMG_1261In dumënia ai 3 de October él gnü sughé la cuinta partida dl campionat 2010/2011 de  3° categoria por La Val. La partida é gnüda sugada fora de ćiasa cuntra le Mühlwald (scuadra cunesciüda bel da agn, che combat cina al ultimo menüt). La partida è jüda fora  2 a 2. Na beliscima partida por la jënt che á ciaré pró.

La partida á metü man dër bun por La Val, che é atira buna da fá en bel jüch cun le pal bas y cun na bela velozité. Deplü beles aziuns é gnüdes fates dai sogadusc da La Val, cun de bi crosc de Frenes Daniel y Frenes Michael, mo i defendusc da Mühlwald é tres bugn da trá demez la pala, denant che chi da La Val röi pormez. Frenes Michael á porvé cun na puniziun, mo le pal é jü dlungia porta ia. En tiro da lunc de Sottara Freddy ne é nia bun le portier da se tigní, Florian á atira porvé da salté cuntra le portier, mo ala fin él ciamó sté bun le portier da trá dmez. Bel avisa canche La Val éss podü fá le goal, ti vëgnel fischié en rigore decuntra. En atacant dl Mühlwald é gnü sciuré jö sön en contrast de cé te area. Insciö é Mühlwald che se porta in vantaje da mët man. Do da 10 min che La Val se á ciafé le goal ti gareta a Mühlwald en goal da metacampo sö. En gran tiro che röia sura le portier fora e bel avisa sot la traversa ite. Tl tëmp de 10 min é La Val fora de nia zoruch 2 a 0. Chësc eurogoal ti taia le giames ala scuadra da La Val, che ne é nia plü buna da rové te partida. Le prüm tëmp se stlüsc jö sön le 2 a 0 por le Mühlwald.

Tl secundo tëmp vá La Val te campo cun na gran convinziun da podëi oje la partida indô sön süa pert. Do da 15 min ti gareta a La Val le 2 a 1, cun Elzenbaumer Alex che é gnü baraté inte dô le prüm tëmp al post de Frenes Michael. Sön en bel pasaggio de Rubatscher Romeo röia Alex da sú cuntra le portier, le defensur pro ciamó da fermé Alex cun na burta entrada da dô ite, mo Alex é ciamó bun da spizuré le pal te porta dlungia le palo ite. Chësc goal ti dá insciö indô forza y speranza ala scuadra da La Val. La Val aumentëia le druch y röia insciö al pareggio cun Rubatscher Florian. Sön en bel pasaggio de Frenes Daniel röia Alex Elzenbaumer te area che fesc en bel tiro, mo en defensura é bun da blocché. Florian é scvelto y é insciö bun da mëter ciamó le pal te porta do la ribatuta. Tl recupero á ciamó La Val la poscibilité da davagné la partida, Rubatscher Romeo atoca le palo interno cun en bel colp de testa. Le pal atraversëia ia düta la riga de porta y röia ala fin sön le fondo. La partida se stlüsc jö sön le 2 a 2.

Chësc punt davagné porta La Val al 5° post te tlassifca.

 

 

La formaziun titolara dla partida:

Mhlwald_vs_La_Val 

 

 

 
 
 
 
 
 
 
 
In cürt ciamó les sostituziuns dla partida:

 
al 45 Elzenbaumer Alex por Frenes Michael

 
al 55° Verginer Franzi por Schuen Filippo

 

 

Por ciaré ala tlassifica y i resultać dles artres partides clicca. Resultać y tlassifica


 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©