US LA VAL
 
 
     
 

6° partida campionat 2010/11

Stampa PDF

IMG_2605In dumënia ai 10 de October él gnü sughé la sesta partida dl campionat 2010/2011 de  3° categoria por La Val. La partida é gnüda sugada in ćiasa cuntra le Frenzensfeste (scuadra che á indô tut pert al campionat de 3°categoria in chësc ann, do che ai é stá fora i ultimi agn). La partida è jüda fora  2 a 2. I dui goi di aversarsc é indô gnüs fać sön rigori, sciruan insciö demez dui punć che ess oghé por la tlassifica.

 

La partida á metü man bun por La Val, cun Max Nagler che röia sön en bel pasaggio de Sottara Stefan cuntra le portier, mo le tiro bas y piazé röia söl palo. Florian Rubatscher éss albü l' oportunité da porté süa scuadra in vantaje, en bel cros bas de Frenes Daniel ti röia bel avisa sön le pé, mo le tiro de prüma röia sura porta fora. Sciöche al é bele sozedü dles ulimes partides, bel avisa canche La Val podess fa le goal, él i aversarsc che se porta in vantaje. En cross dl Franzensfeste vëgn ribatü dan defensur da La Val cun la man (dlungia le corp), en rigore che an pó dé y che an ne pó nia dé. Mo le arbiter fischieia por le rigore, Insciö se porta i ghesć in vantaje. Do da 10 min él Rubatscher Florian che fesc goal. Sön en bel tiro de Elzenbaumer Alex, che ti sciampa spo al poritier, él Florian le plü scvelto y röia le prüm sön la pala y pó insciö l'apogé te porta. La Val ciafa indô  nöies forzes y röia plü iadi dan porta di aversarsc. Dan le prüm tëmp ti garetel ciamó a Frenes Daniel en "Eurogoal" da lunć, che röia bel avisa tl incrocio dla porta. Chësc bel goal porta La Val in vantaje por 2 a 1. Le prüm tëmp se stlüsc jö sön le 2 a 1 por La Val.

Tl secundo tëmp vá La Val te campo nia dër conzentrirt y insciö röia Franzensfeste al 2 a 2. En cross vëgn ribatü dan defensur da La Val cun les mans, l'arbiter fischia insciö por le rigore. Ala fin dl secundo tëmp proa ciamó La Val da davagné, mo les püces oportunites ne vëgn nia scfrutades bun dai atacanć. La partida se stüsc jö sön le 2 a 2.

Chësc punt davagné porta La Val al 5° post te tlassifca.


La formaziun titolara dla partida:


Formazione_Franzensfeste


In cürt ciamó les sostituziuns dla partida:

al 65 Schuen Filippo por Rubatscher Florian

al 75° Verginer Franzi por Elzenbaumer Alex


Por ciaré ales foto dla partida clicca. FOTO

 

Por ciaré ala tlassifica y i resultać dles artres partides clicca. Resultać y tlassifica

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©