US LA VAL
 
 
     
 

11° y ultima partida andata campionat 2010/11

Stampa PDF

IMG_1261In dumënia ai 14 de Novëmber él gnü sughé la 11° y ultima partida dl andata dl campionat 2010/2011 de  3° categoria por La Val. La partida é gnüda sugada cuntra le Lüsen (scuadra che La Val á bele incunté te copa provinzia y ulache ai á paregé 1 a 1) in ćiasa. La partida é jüda fora 5 a 1 por La Val. Cun chisc trëi punć davagná se porta La Val al 7° post te tlassifica. 

 

La partida á metü man dër bun por La Val, bel dô da 5 min é bun Freddy Sottara cun en bel pasaggio filtrante in profondité da scmarché Alex Elzenbaumer, che fesc spo en bel cross it a mez, por Verginer Franzi. Franzi é bun da mët le pal te porta, insciö se porta La Val bel da mët man in vantaje. Na gran ocajiun da arlungé le vantaje á püch dedô Schuen Filippo, en bel pasaggio de Sottara Stefan porta Filippo dasú dan le portier. Filippo á porvé da "dribble" le portier, mo na gran parada dl portier ti disc de no al secundo gol de La Val. Le Lüsen vëgn tres plü druché a se defëne, La Val fesc en bel jüch cun la pala basa. Na bela poniziun de Sottara Freddy vëgn ince parada dal portier. Mo dan le prüm tëmp se ciafa La Val le 1 a 1. Na poniziun trata dër dassënn ne é nia bun le portier da La Val da devié fora de porta, le pal vëgn devié dlungia le palo ite. Insciö se stlüsc jö le prüm tëmp sön le 1 a 1. 

Tl secundo tëmp é La Val che mët ciamó na marcia la pró, le Lüsen resta ma plü zoruch y prô ma plü da rinvié sö cun lanci lunć y in contropiede. Al 20° dl secundo tëmp ti gareta a Schuen Filippo impó ciamó so prüm gol in chësc ann, cun en bel tiro de ciamp sö tl incrocio, le portier da Lüsen ne á degüna poscibilité. Cun le 2 a 1, é spo bugn La Val da controlé la partida cina ala fin. Alex Elzenbaumer fesc ciamó en gran tiro al volo che vëgn devié y röia de püch sura la traversa fora. Frenes Michael é gnü cambié ite i ultimi 10 min y te chësc cürt tëmp ti gartel ciamó na dopietta. Sön le prüm goal ciafel en bel pasaggio da Rubatscher Romeo it a mez y al mëss ma plü devié le pal te porta. Sön le ultim gol le 4 a 1 röiel dassú dan le portier, cun en bel tiro bas y piazé el spo bun da bat le portier y stlü jö insciö la partida.

La Val á insciö stlüt jö chësta andata cun na bela vitoria te ćiasa. La Val é mustré en beliscimo jüch y de beles aziuns, na vitoria dër miritada.

 

 

La formaziun titolara dla partida:

 

 LaValvsLsen

 

 

 

In cürt ciamó les sostituziuns dla partida:

  
  

al 75° Kaneider Denis por Elzenbaumer Alex 

Al 80° Frenes Michael por Sottara Stefan

 

 

Por ciaré ala tlassifica y i resultać dles artres partides clicca. Resultać y tlassifica

 
 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©