US LA VAL
 
 
     
 

1° partida ritorno 3.cat 2011

Stampa PDF

IMG_1261In dumënia ai 20 de Merz él gnü sughé la 1° partida dl ritorno dl campionat 2010/2011 de  3° categoria por La Val. La partida é gnüda sugada cuntra le Wiesen. La partida é jüda fora 1 a 0 por Wiesen. Na partida che La Val éss bele messe stlü jö atira cun deplü poscibilitês nia scfrutades. In püces parores, la partida é gnüda scincada ai aversars.

La partida á metü man dër bun por La Val, bel dô püć menüć é Romeo che á la poscibilité da porté La Val in vantaje, al á podü se stoppen la pala tl area, mo le tiro röia de püch dlungia le palo ia.  Frenes Daniel á na buna jornada, deplü iadi él bun  da sciampé in velocité al aversar, che mëss tres le fermé cun en fallo. Dô le terzo fallo, se ciafa finalmënter n' amoniziun le sogadú da Wiesen. Les beles posiziuns che La Val á ciafé da fa les poniziuns, ne é nia bugn da scfruté i sogadusc da La Val. Deplü bi crosc de Frenes Daniel röia ite dl area, mo püć iadi él le pal prigorus. Rubatscher Romeo cun na bela testa de püch sura la traversa fora foss prësc sté bun da porté La Val in vantaje. Depüch dedô él Rubatscher Florian cun na bela sugada bun da se scmarché y jí cuntra porta, le bel tiro é bun le portier da paré, cun na gran parada. Wiesen ne é nia tan prigorusc, l'unico prigorus él le bun atacant che ai á. Deplü iadi é bugn i centrocapisć  da Wiesen, cun tres la medema aziun, da spizuré le pal inant cun le cé al atacant, mo püć iadi essi prigorusc. Le prüm tëmp se stlüsc jö sön le 0 a 0. Tl secundo tëmp él La Val che aumentëia le druch (suradüt cun i cambi che é gnüs fać) y Wiesen se lascia ia bel plan. Sön en bel cross de Frenes Daniel ne abina de püch nia Frenes Michael le pal de cé, che ess ma podü gní apogé te porta. Dedô él Schuen Filippo che passa en bel pal, depüch massa lunch ite a mez sön le rigore, Sottara Freddy ne röia ne püch nia ala conclujiun. Mô la plü gran poscibilité a Schuen Filippo che röia da sú dan le portier, al é ma plü bun da le spizuré y le portier é insciö bun da paré. Sciöche al é gunot tl calcio, canche an ne scfrutëia nia les poscibilites se ciafun le gol decuntra. Bel avisa insciö era stada. L'unico iad che la difesa da La Val ne é nia metüda sö bun, el le bun atacant da Wiesen che röia te area, Sottara Werner pro ciamó da le fermé cun en fallo, le arbiter dá le rigore y tira fora la cöcena por Werner. Insciö é la partida ten tëmp de 1 en menüt che á ot plata. Le rigore vëgn fat ite, ince sce Vallazza Merche le ess prësc paré. La Val mëss insciö purvé ciamo da arjunje le pareggio ince sce al é ma plü püch tëmp a disposiziun. En bel tiro de Sottara Freddy fora dl area röia de püch sura la traversa fora. Ala fin dla partida se ciafá ciamó Frenes Daniel na cöcena por portesta, les dös cöcenes ne é zigü nia val de bun por la proscima partida, le derby da Rit cuntra Al Plan. La partida se stlüsc jö sön le 0 a 1 por Wiesen.  

Cun chisc trëi punć  lasciá sön trú se porta La Val al  7° post te tlassifica.  

 

La formaziun titolara dla partida:

 f.vs_wiesen2011

 

In cürt ciamó les sostituziuns dla partida:

  
  

al 55° Verginer Franzi por Elzenbaumer Alex 

Al 60° Sottara Freddy por Sottara Stefan

Al 75° Schuen Filippo por Rubatscher Florian

Al 80° Castlugner Marco por Ploner Werner

 

Por ciaré ala tlassifica y i resultać dles artres partides clicca. Resultać y tlassifica

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©