US LA VAL
 
 
     
 

Le Derby da Rit vá indô a La Val

Stampa PDF

IMG_1261In dumënia ai 27 de Merz él gnü sughé le secundo derby da Rit dl campionat 2010/2011 de  3° categoria por La Val. La partida é gnüda sugada fora de ćiasa jö Al Plan. Ince sce la campo ne ê nia te cis bunes condiziuns é stada buna la scuadra da La Val da dominé la partida, davagnan insciö 4 a 1.

Cun chësta bela vitoria é stá bugn ince La Val da surpassé le Mareo te tlassifica. Al mumënt é La Val al 6° post, mo an mëss udëi la decijiun dla FIGC sura la prüma partida cuntra le Wiesen. Ulache al é gnü fat recurs da pêrt dla societé da La Val, deache Wiesen á sughé cun en sogadú che ne ess nia podü sughé por soma de amoniziuns. Sce La Val ciafé i trëi punć se portera al 5° post.

Mo jon zoruch al derby de Rit, la partida á metü man cun en bel ritmo bel atira. Ti prüms menüć é sté le Mareo che á purvé da se porté in vantaje, mo la buna difesa da La Val ne á nia lascé ruvé pormez a porta. Dô da 10 min che le Mareo á porvé da fa gol, é sté spo La Val che á metü man da sughé. Bel la prüma ocajiun é sté bun Rubatscher Florian da porté La Val in vantaje. Sön na indecijiun dl portier dl Mareo y en só difensore é ste Florian bun da spizoré le pal te porta. Püch dedô ti garetel a Florian la dopietta, che porta La Val sön le 2 a 0. Rubatscher Romeo fesc en bel passaggio jö por la fascia a Frenes Michael, che vá ia en velocité al defensur. Dedô él bun Micky da fá en bel cross ite a mez, ulache Florian cun le ciamp é bun da meter le pal sön le secundo palo. Dô da 5 min él le defensur zentral Ploner Werner che é bun da fá le 3 a 0. Na bela poniziun dl capitano Alex Alton röia ite te area, ulache Werner é spó bun da fá na bela testa tl incrocio. Te na mesora é La Val por 3 goi in vantaje. Dô da 35 min se desceda indô le Mareo, che é bugn da fá le 3 a 1. Ala fin dl prüm tëmp é ciamó Ploner Werner che á la poscibilité da stlü jö la partida, al é bun da se stopen en bel pal a mesa l'area, mo le tiro röia de püch dlungia le palo ia. Le prüm tëmp se stlüsc jö insciö sön le 3 a 1 por La Val. Tl secundo tëmp La Val é bugn da cuntrulé la partida, ince sce le Mareo drüca, mo la buna difesa ne ti dá degüna oportunité da fá gol al Mareo. Ince le portier da La Val Sani Sandró ti dá na gran sicurezza ala difesa cun sües bunes uscites. L'unico mumënt de tëma por La Val é al 60° canche Sandro ne röia nia sön en pal y le atacant dl Mareo ti fesc en bel palonetto sura fora, mo Ploner Werner é ćiamò bun cun en gran recupero da salvé le pal dan la riga dla porta. Na beliscima parada ti gareta ince al portier dl Mareo, en bel tiro de Sottara Stefan vëgn devié y cun en bel riflesso él bun Julian da devié le pal sura porta fora. Ala fin é La Val buna da stlü jö la partida sön le 4 a 1, sön en bel contropiede se porta Elzenbaumer Alex da sú cuntra le portier, cun en bel tiro de potënza el bun da fá gol. La partida se stlüsc jö sön le 4 a 1 por La Val.

La proscima partida é in mercui indô cuntra le Mareo, de copa provinzia dales 20:00 a La Val.

La formaziun titolara dla partida:

form.derbyrit

In cürt ciamó les sostituziuns dla partida:

Al 45° Sottara Freddy por Verginer Franzi

Al 70° Elzenbaumer Alex por Rubatscher Florian

Al 75° Tavella Thomas por Castlunger MarcoSchuen Filippo por Rubatscher Florian

 

Por ciaré ala tlassifica y i resultać dles artres partides clicca. Resultać y tlassifica

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©