US LA VAL
 
 
     
 

Un en tiro te porta, tol la vitoria a La Val

Stampa PDF

IMG_1261In dumënia ai 03 de Aurí él gnü sughé la 3° partida dl ritorno dl campionat 2010/2011 de  3° categoria por La Val. La partida é gnüda sugada cuntra le Percha in ćiasa. La partida é jüda fora 1 a 1. por Wiesen. Na partida che La Val éss podü davagné y ess messé bele stlü jö tl prüm tëmp.   

 

Le Percha gnê da na bela seria de bunes prestaziuns, sciöche la scuadra da La Val. Ai á parejé cuntra i prüms y davagné cuntra i secundi. Mo sciöche bele mustré te atres partides, apena che le Percha fesc en gol se stlüji ite a difesa y pro da destrüje le jüch di aversars, cun lanci lunć di difensurs ai atacanć. Bel avisa insciö era stada, tl secundu tëmp canche La Val éss podü stlüsc jö la partida, ti garetel en eurogol al Percha che ti tol la vitoria a La Val.

La partida á metü man bun por La Val, che á purvé bel atira da sughé cun le pal bas y in velozité. Ince sce i aversars fajô en gran pressing ti él garatè en pêr de bunes aziuns a La Val, mo ala fin mancial madër ćiamò la conclujiun, gunot él gnü sbaglié l’ultim pasagio. Mo a mesa le prüm tëmp ti garatel le vantaje a La Val. En bel pasagio filtrante á purté Rubatscher Florian ala conclujiun. En bel tiro de potënza ne ti á lascé degüna poscibilité al portier da Percha. Mo dô le gol è La Val che se stënta tres deplü da sughé só calcio. Le Percha süga ma plü sön lanci lunć y chësc porta ince La Val a sughé insciö. Le prüm tëmp se stlüsc jö sön le 1 a 0. Tl secundo tëmp ti garetel spo le eurogol al Percha. Sön en rinvio dl portier da La Val ni cis garaté, ti röia la pala al atacant da Percha che pasa spo al cumpagn. Sënza ponsé fejel en gran tiro al volo da 40 metri. Sandro prô ćiamò da abiné le gran tiro, mo al ne ti è nia plü. La pala ti vá sura ite. Chësc bel gol de gran furtüna (y unico tiro te porta dl Percha te düta la partida)  taia insciö la partida. La Val ne è nia plü buna da recuperé ala fina la vitoria. Ala 80° vëgnel ćiamò espulso Tavella Jordan por döes gheles.

Cun chësc paregio se porta La Val al 6° post te tlassifica.

 

 

La formaziun titolara dla partida:

 Lavalvspercha11

 

In cürt ćiamò les sostituziuns dla partida:

  
  

al 45° Castlunger Marco por Ploner Werner 

Al 80° Tavella Thomas por Verginer Franzi 

  

Por ciaré ala tlassifica y i resultać dles artres partides clicca. Resultać y tlassifica

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©