US LA VAL
 
 
     
 

5° partida cuntra Mühlwald

Stampa PDF

IMG_1261In dumënia ai 17 de Aurí él gnü sughé la 5° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra da Mühlwad (che La val cunësc bel da plü agn) in ćiasa. La partida é jüda fora 1 a 1. An po dí che al é sté na fotocopia dla partida cuntra Percha.

 

Sciöche bel cuntra le Percha, La Val á dominé la partida. Mo sön deplü ocajiuns ne éssi nia sta bugn da stlü jö la partida, suradüt tl secundo tëmp, l'unico tiro di aversars al 94° porta le Mühlwald sön le 1 a 1. Sciöche bel cunescü dai ultims averersars dl Gossensass, Mühlwald á sughé bel avisa insciö, ma cun lanci lunć di defensurs.

La Val á metü man bun la partida, cun convinziun y cun le pal bas. La prüma oportunité ti gareta a Alex Elenzenbaumer, mo so bel tiro de prüma röia püch dlungia le palo ia. Le prüm gol ti gareta a Daniel Frenes. Na bela combinaziun tra Micky y Freddy, porta Micky sön le fondo, ulache al é spo bun da fa en bel  cross ite a mez. En bel colp de testa de Daniel, che röia naota ados al defensur y spo la deviaziun röia te porta. La Val se porta insciö in vantaje. En per de beles combinaziuns porta spo deplü iadi i atacanć da La Val te na bela posiziun, mo gonot le arbiter fischia le fuorigioco. Sön certes aziuns al albü dert mo ince gonot sbaglié. En per de bi crosc de Castlunger Marco röia ince ite a mez, mo degügn di sogadusc da La Val é tl dërt post al dërt mumënt. Sottara Werner éss ince fat prësc le 2 a 0, al fesc dribbeln deplü defensurs, mo al mumënt dl tiro vëgnel mazzé jö dan area, la poniziun de Frenes Michael röia te bariera. Le Mühlwald á ma üna na oportunité sön en bel contropiede, mo Merch é bun da devié le pal te angolo, sön en bel tiro bas y angolé. Le prüm tëmp se stlüsc jö sön le 1 a 0 por La Val.

La Val sá che al öga ćiamò en gol por stlüje jö definitivamënter la partida. Tl secundo tëmp é La Val plü convinti, de beles aziuns vëgnel fora. L'arbiter ne vëiga nia na mano netta te area, che blochëia en bel tiro, che foss zigü jü ite. Püch dedo él Alex Elzenbaumer che fesc dribbeln en defensur te area, al vëgn mazé jö, ince chësc iade ne ti vëgnel nia dè le rigore. Franzi Verginer á ince la poscibilité dui iadi da fa le 2 a 0. Le prüm iade fejel dribbeln te area dui defensurs, mo le bel tiro röia bel avisa tles mans al portier. Le secundo iadi él Elzenbaumer Alex che é bun da ti tó le pal al portier, che é gnü fora dl area, spo til pasel ite a Franzi y Franzi ne é nia bun da atuché la porta.

Püch dedo vëiga le centrale de Mühlwald la cöcena. Frenes Daniel vá ia a un en defensur in velocité, le centrale vëgn fora y fesc na burta entrata sön les giames de Daniel, cöcena direta. En sogadü te banchina dl Mühlwald vëiga ince la cöcena. Sön deplü aziuns röia La Val dan area, mo al mancia che "fredezza" dla conclujiun.

Sciöche al suzed gonot tl calcio, sce an ne fesc nia ite les oportunites che an á, se ciafun le goal. Al 94° ti vëgnel scinché na poniziun al Mühlwald al limite. Le gran y bel tiro röia de potënza tl incrocio, chësc é le 1 a 1. La partida se stlüsc sön le pareggio. Cun chisc dui punć lasciá sön trú se porta La val al 5° post te tlassifica.


 

La formaziun titolara dla partida:

 

lavalvsmhlwald

In cürt ćiamò les sostituziuns dla partida:

 
 

al 70° Nagler Max por Verginer Franzi

Al 80° Valentin Elmar por Elzenbaumer Alex

 

 

Por ciaré ala tlassifica y i resultać dles artres partides clicca. Resultać y tlassifica

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©