US LA VAL
 
 
     
 

6° partida cuntra Franzensfeste

Stampa PDF

IMG_1261In sabda ai 23 de Aurí él gnü sughé la 6° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra da Franzensfeste (scuadra nöia te campionat) fora de ćiasa. La partida é jüda fora 2 a 0 por La Val. Na partida che ne é nia stada saurida da davagné.

Dô le burt pareggio cuntra le Mühlwald in ćiasa dl ultima dumënia é jüs La Val cun na gran grinta y plü decisi a Franzensfeste a urëi portè a ćiasa i trë punć. La bela vitoria é gnüda, mo nia cun en bel jüch, sciöche La Val sá da sughé.

La Val á metü man bun la partida. La prüma gran ocajiun ti gareta a Florian, dô en bel recupero de Daniel Frenes de na pala che le defensur ne é nia plü sté bun da trá dmez, él bun da crosse ite sön le rigore. Florian ne atoca nia la pala dër bel y le pal vá dlungia porta ia. An mëss ince dí che le campo ne ê nia cis de beles condiuziuns. Deplü pai basc rimbalza fora d nia ten ater vers, insciö ne jera nia da fa de beles aziuns. Tl prüm tëmp ne él nia ste de beles aziuns da mëter man, deplü bi crosc dles fasces da La Val (Daniel y Micky) ne é nia gnüs scfrutá dërt o che i crosc é jüs masa lunć. Le portier da La Val Merch á ma messe gni fora un en iade, cun na bela uscita che á antizipé le atacant. Scno Franzensfeste ne é nia stá prigorusc. La Val á mustré indô la gran solidité dla difesa, che á sughé dër bun indô, sciöche les atres partides dl ritorno, lascian püces oportunites ai aversars. Le pal é gnü sughé suradüt it a mez al campo, mo cun püces ocajiuns por fá goal. Le prüm tëmp se stlüsc jö sön le 0 a 0.

Tl secundo tëmp é La Val plü convinti, mo ai stënta impó da ruvé ales conclujiuns. Cun i trëi cambi che é gnüs facć a mesa le secundo tëmp, se á cambié la paritida. Al 70° röia spo Florian sön en bel pasaggio de Romeo dan al portier, cun en bel tiro de dërt, che röia sot le portier ite él bun da portè La Val in vantaje. I sogadusc da Franzensfeste devënta tres plü nervösc, le arbiter mëss mustré deplü gheles, ala fin dla partida vëgn sciuré fora indüt 2  sogadusc aversars por soma de amoniziuns. Micky á ince porvé ćiamó cun dös beles poniziuns da fa le secundo gol, üna é gnüda deviada de püch dala bariera y l'atra é gnüda parada, cun en bel salvataggio dl portier.  Florian á ince ćiamò albü en iad la poscibilité da fa la dopietta, en bel pasaggio indô sön le rigora ne él nia bun da abiné, na bela chance sciurada ia. Al 85° él ćiamò Verginer Franzi che porta La Val sön le 2 a 0. En bel inserimento porta Franzi cuntra le ultim difensur, cun en bel dribbling él bun da salté le defensur. Spo röiel cuntra le portier, al mostra na gran fredezza y é bun da dribbeln ince le portier y porté la palla te porta.

La partida se stlüsc jö sön le 2 a 0.  Cun chisc trëi punć davagná se porta La val al 4° post te tlassifica.

Sëgn pon dí che les partides plü saurides é gnüdes fates por La Val, cun 4 partides davagnades y 2 paregiades él zigü na buna prestaziun cina segn a mez le campionat. Mo sëgn mëtl man les partides plü ries, cuntra les scuadres che é dant. Por davagné chëres ol zënzater ester  ćiamò plü impëgn!!!!


 

La formaziun titolara dla partida:

43

In cürt ćiamò les sostituziuns dla partida:

al 70° Nagler Max por Sottara Stefan

Al 75° Verginer Franzi por Elzenbaumer Alex

Al 80° Tavella Thomas por Sottara Werner


 

Por ciaré ala tlassifica y i resultać dles artres partides clicca. Resultać y tlassifica

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©