US LA VAL
 
 
     
 

7° partida cuntra Raas

Stampa PDF

IMG_1261In dumënia ai 01 de Má él gnü sughé la 7° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra da Raas (scuadra cunesciüda bel da plü agn te campionat) in ćiasa. La partida é jüda fora 4 a 1 por La Val. Na bela vitoria y importanta, deache Raas recorda ćiamò la burta partida dl andata ulache La Val á purdü 5 a 1 y ulache al ê gnü a mancia le respet sportif da pert de chi da Raas.


 

La Val resta tres ćiamó imbatüda tl ritorno sides de copa provinzia che de campionat. Cuntra le Raas él gnü fat de bi goi. Bel dô da 5 min él Rubatscher Romeo sön en calcio d'angolo bun da oje le pal de cé te porta y porta insciö La Val sön le 1 a 0. Püch dedô ti gareta a Frenes Daniel en "eurogoal". Dô che al é stè bun da salté dui defensursc fejel en gran tiro da na posiziun dër angolada (dlungia le piz dal angolo). Le bel tiro röia sura le protier ite y se infilëia tl incrocio dla porta. En eurogol che porta La Val sön le 2 a 0 bel dô da na cherdora che la partida á metü man.

La Val ne lascia nia pormez i atacanć dl Raas, la gran difesa solida dô ia cumanada dal capitano Alex Alton é buna da gni gonot fora cun le pal bas y porvan da sughé. La Val ne á nia assa ma de dui goi, mo ai prô ćiamó da tin fá ite. Na bela testa indô de Rubatscher Romeo röia sön le palo, sce la pala foss stada enpü plü ota cuntra la porta fossl stè le 3 a 0. Le gran pressing ince di atacanć da La Val á porté plü gonot a fai di defensurs, che á sbaglié insciö ince i passaggi plü elementari. Ćiamó tl prüm tëmp ti garetel a Sottara Stefan en gran tiro al volo, sön na ribatüda dla difesa, le bel tiro cun effetto röia sön la traversa, le portier da Raas foss indô sté batü. Ala fin dl prüm tëmp é ćiamó Rubatscher Florian che röia dan le portier, cun en bel inserimento, le tiro de potenza ne ti lascia degüna oportunité al portier, chësc é le 3 a 0. Le Raas ne röia gnanca un en iad prigorusc ala conclujiun. Le prüm tëmp se stlüsc jö sön le 3 a 0.

Tl secundo tëmp é La Val che pro da gesti la partida. Le arbiter mët man da sciuré düt cuntra La Val. Al tol ince fora trëi gheles indüt por i sogadusc da La Val (Tavella Thomas sön na tratenuta, Tavella Jordan sön en pice falo y Frenes Daniel deache al á sciuré dmez le pal). Deplü contropiedi de La Val ne röia nia al travert, scialdi por via de "fuorigiochi". Elzenbaumer Alex á ince la poscibilité da fa gol, dô che al é sté bun da jí dmez a en defensur dlüngia l'angolo cun en bel dribbling, röiel cuntra le portier. Al pro da le piazé sön le prüm palo, mo la pala röia bel avisa sön le palo, na gran oportunité da stlü jö la partida. Püch dedô ti garetel al Raas le prüm y unico gol. En tiro fora dla area che vëgn devié dui iadi ne ti lascia degüna oportunité a Merch. Cun chësc gol pel che la partida se daüri indô. Al 75° él Alex Alton che tira na bela puniziun, le surëdl bas destürba le portier da Raas, mo la pala é indô  ruvada sön la traversa. Mo 15 min dala fin ti garetel impó le gol a Elzenbaumer Alex, che röia dan le portier, sön en beliscimo pasaggio de Verginer Franzi. Alex la piazëia sot les giames dl portier fora.

La partida se stlüsc jö sön le 4 a 1 por La Val. Cun chisc trëi punć davagná se porta La val al 4° post te tlassifica.

Cun chësta bela vitoria jará La Val in dumënia sö La Ila por scfidé la scuadra dla Val Badia, che é prüma tl campionat, cun na gran grinta y porvan da fa na bela paritda. Al sará zigü na bela partida, trames dös scuadres porvará da fá en bel jüch bas y veloce, cun beles combinaziuns. Nia sciöche an é ausá da udëi scialdi pro dütes le scuadres pustres, che süga tröp cun pales altes.

   

La formaziun titolara dla partida:

 

lavalvsraas

 

 

 

 

 

 

 

In cürt ćiamò les sostituziuns dla partida:

al 70° Elzenbaumer Alex por Rubatscher Florian

Al 75° Verginer Franzi por Nagler Max

Al 80° Castlunger Marco por Ploner Werner

Al 85° Tolpeit Daniel por Frenes Daniel


Por ciaré ala tlassifica y i resultać dles atres partides clicca. Resultać y tlassifica

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©