US LA VAL
 
 
     
 

1° partida Semifinale Copa Provinzia

Stampa PDF

copaIn mercui ai 05 de Má él gnü sughé la 1° partida de Semifianle de Copa Provinzia. La partida é gnüda sugada fora de ćiasa, cuntra la scuadra da Oberland sön le campo a St. Valentin auf der Haide (Vinschgau). Gnü sughé el dales 20:00. La lungia trascferta á porté sü früć. La Val é sta bugn da davagné 2 a 1.

Ince sce le iade é stè dër lunch, pian ia dales 14:00 da Pidro dmez é stá bugn La Val da porté trëi punć a ćiasa. Le travert é zigü stè da porte en risultat positif a ćiasa, deache sce an pert la prüma partida tl triangolare, spo él dër ri da passé inant dopo. Na man sön la finala á bel metü La Val cun chësta bela vitoria. In mercui ai 11 de Má él spo l'atra partida cuntra Wiesen. L'atra partida de semifinale tra Plaus y Cortina Raiffeisen é jüda fora 4 a 1 por Plaus. Chëstes döes scuadres ne é zigü nia al livel de Oberland y Wiesen, sce an ciara la tlassifica de campionat eres trames ai ultimi posć de tlassifica. Porchël chiche röia te finala á na gran oportunité dala davagné ince, mo tl calcio ne san mai.

 

La partida a Oberland:

 

 

 

Bel da mëter man savô La Val che Oberland foss gnüs cun en gran druch, sogan ince in ćiasa. Mo ince le iade lunch di sogadusc da La Val ne ti á nia tut la concentraziun ai sogadusc. Ti prüms menüć á La Val porvè da destudé jö le jüch di aversars, cun de bi anticipi y na gran grinta. Püch dedô ti garetel bel le gol a La Val. Dô en bel cross te area, resta la pala tla mischia sön le cinch. Rubatscher Florian fesc en gran tiro che röia bel ados a en defensur, sön la ribatüda ti garetel spo a Florian na mesa "sforbiciata", che röia bel dlungia le palo ite, en bel gol che porta in vantaje La Val.

 

La Val á na gran grinta, suradüt it a mez, ualche Romeo y Freddy é bugn da contrasté i trëi sogadusc de Oberland, cun so capitano che é al centro de só jüch. La gran grinta di sogadusc da La Val ti descdrüsc le jüch, ma cun lanci lunć proi da ester prigorusc. Mo i defensurs da La Val é scialdi bugn da anticipé. Al 25° ti garetel spo le 2 a 0 a La Val. Na bela poniziun dl capitano Alex Alton röia tl cinch, Ploner Werner é le plü scvelto y röia sön la pala, le bel tiro röia sön le palo lunch. En bel gol che porta La Val sön le 2 a 0. Dedô é Oberland che fesc en bel tiro al volo, la pala röia por furtüna sön la traversa. Dan che le prüm tëmp se röia é ćiamó Romeo che éss la poscibilité da porte La Val sön le 3 a 0. Alex Elenbaumer é bun da mët jö na bela pala, al apogëia zoruch, Romeo röia ala conclujiun. Le bel tiro al volo röia de püch sura traversa fora. Le prüm tëmp se stlüsc jö sön le 2 a 0.

 

Tl secundo tëmp é Oberland che aumentëia le druch. La Val ne é nia plü bugn da gni fora dla difesa cun la pala basa. I sogadusc vëgn tres plü nervösc y mët man da fá falli che ess podü gní evitá. Mo la pala dl 3 a 0 á impó ćiamó en iad La Val. Sön na bela rimesa de Franzi é bun Sottara Freddy da dribbeln en aversar dl area, le tiro röia spo püch dlungia le palo cürt ia. La Val se ciafa tres deplü falli decuntra. Sön en ennejimo fallo vëgnel spo le gol de Oberland 20 menüć dan la fin. Al röia ite te area na puniziunn, Ploner Werner vëgn metü jö te area cun en scnëdl tl spiné, mo le arbiter ne á nia udü. Sön chël él spo l'atacant che ciafa le pal dan i pisc y tira te porta. Cun chësc gol é La Val che röia tres deplü in dificulté, deache Oberland ciafa indô grinta. Ti ultimi menüć é La Val che süga scialdi sön contropiede, deplü beles aziuns ne é nia plü bugn i atacanć da concretizé ala fin. 10 menüć dala fin él ćiamó Frenes Michael che tira na gran poniziun da lunć. La pala röia sön la traversa, jö sön la riga y fora indô. Sciode, chësta poniziun ess zigü stlüt jö la partida denant.

La parita se stlüsc jö sön le 2 a 1 por La Val, che á mustré che ai se mirita la finala.

 

 

 
 
 

La formaziun titolara dla partida:

lavalsvsoberland


 

 


 

 

In cürt ćiamò les sostituziuns dla partida:

 

al 70° Frenes Michael por Verginer Franzi

 

Al 80° Sottara Stefan por Sottara Freddy

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©