US LA VAL
 
 
     
 

2° derby cuntra Val Badia

Stampa PDF

IMG_8065In dumënia ai 08 de Má él gnü sughé la 8° partida (2° derby) dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra dla Val Badia (metüda adüm bëgn da 8 paîsc dla Val Badia y Arabba) fora de ćiasa. La partida é jüda fora 1 a 0 por La Val Badia.

  

La nöia scuadra dla Val Badia é gnüda metüda sö in chësc ann, dô che San Martin y l'Alta Badia ne é nia plü stá bugn da mëter sö na scuadra in stësc, por mancianza de sogadusc.

La Val gnê da na bela seria de vitories, sciöche la Val Badia ince, che é stá bugn da defëne le prüm post de campionat.

La partida á metü man cun en ritmo dër alt, mo cun püces ocajiuns da fá gol. La prüma ocajiun á la Val Badia, sön en calcio d' angolo röia l'atacant aversar denant sön le pal, mo le colp de testa röia abondant sura traversa fora. La Val se stënta en pü da gní fora dla difesa, spo proi cun lanci lunć. Mo cun chësc sort de jüch capësc atira La Val che ai ne röia ignó. Le gran pressing dla Val Badia fesc stentè tres deplü La Val, mo la secunda oportunité da sblocchè le 0 a 0 é La Val che á. Sön na bela combianziun ciafa Florian Rubatscher la pala, al é bun da salté dui defensursc mo le tiro é massa debl y le portier dla Val Badia ne á degügn problems da le parè. La pala vëgn sugada scialdi da trames scuadres sö por les fasces, mo cun püć resultać positifs. Les dös scuadres ne ó nia se sbilancé y rischié da se ćiafé le gol. Bel da mëter man an capí, che chiche fajo le prüm gol ê sön la buna strada da davagné le derby.

L'unico iade che La Val é stá sbilanciá en pü, el Val Badia che sfrutëia in contropiede y fesc le 1 a 0, tl recupero dl prüm tëmp. En bel cross röia ite sön le rigore, le atacant dla Val Badia fesc en bel stop, se gira y tira. Merch Vallazza le azica ćiamò cun le pé, mo le pal röia sön le palo y vá te porta. Le prüm tëmp se stlüsc jö sön le 1 a 0 por la Val Badia.

Le secundo tëmp é la fotocopia dl prüm tëmp, en burt jüch cun cuaji degünes oportunites da fa gol. Dui o trëi tiri da lunć di centrocampisć Sottara Freddy y Sottara Stefan röia dlungia porta ia. Elzenbaumer Alex á ince na oportunité da fá gol, en bel passaggio filtrante é en pü massa lunch y insciö röia la pala jö söl fondo, ulache al pro da fá en cross, mo le portier dla Val Badia é bun da le apié cun les mans. La partida se stlüsc jö sön le 1 a 0 por la Val Badia.

 

Por i grüm "tifosi" ne él zigü nia stè en bel derby, deache al ne é gnü fat degünes beles aziuns, sides da pert de La Val che da pert dla Val Badia. Na partida nia bela che  La Val Badia á sfruté sön l'unica gran oportunité de düta la partida por trames dös scuadres.

Cun chisc trëi punć lasciá sön trú resta La Val al 4° post te tlassifica.

In mercui ai 11 de Má saral la secunda partida de Copa Provinzia por La Val cuntra le Wiesen dales 20:00, sce La Val é bugn da davagné ti aspetel la finala de Copa che gnará sugada a Sterzing.

 Read More
  

La formaziun titolara dla partida:

  valbadiavslaval

 


 

 

 

 

  

In cürt ćiamò les sostituziuns dla partida:

 

al 47° Elzenbaumer Alex por Verginer Franzi  

al 75° Tavella Thoams por Sottara Werner 

al 80° Rubatscher Romeo por Sottara Freddy

  

Por ciaré ala tlassifica y i resultać dles atres partides clicca. Resultać y tlassifica

Por ciaré a val foto dl derby clicca. FOTO

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©