US LA VAL
 
 
     
 

9° partida cuntra San Laurënz

Stampa PDF
IMG_1261_copyIn dumënia ai 15 de Má él gnü sughé la 9° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra  da San Laurënz (che é secundi te tlassifica) te ćiasa. Chësta é ince l'ultima partida te ćiasa por La Val por chësc campionat.


La scuadra da San Laurënz fesc tres  ćiamò ponsè ala burta sconfitta dl andata, ulache La Val á purdü 6 a 1. Mo chësc burt record á La Val scmentié in dumënia y á fat na bela partida, suradüt tl prüm tëmp. Mo spo ti ultimi 20 menüć ne esi nia plü stá concentrá i sogadusc da La Val y spo él sté San Laurënz che é stá bugn da rimonté en 2 a 0, davagnan la partida 3 a 2.

Bel dô püć menüć de jüch é Frenes Daniel che porta La Val in vantaje. Sön en bel passaggio de Rubatscher Florian röia Daniel en pü defilé da sú cuntra le portier. Cun en bel tiro sön le palo lunch fejel insciö le 1 a 0. Cinch menüć dedô ti garetel prësc le 2 a 0 a Daniel, en bel tiro da lunć y da na posiziun dlungia le angolo röia sön le palo lunch, le portier ne á nia calcolè la traietoria dla pala dërt y mina che al jiss fora, mo ala fina al ot cuntra porta. La Val fesc en bel jüch sura düt sön les fajes, cun de beles combinaziuns danter Frenes Michael, Sottara Werner y Frenes Daniel. Deplü iadi ćiamò tl prüm tëmp é La Val che é prigorusc. En pü da sufrí ti dá i gragn sogadusc dales pales inattives. I bi crosc é ruvá te area, ulache San Laurënz á porvé deplü iadi da fá gol de testa. San Laurënz fesc dër en burt jüch, le centrale fesc tres lanci ai atacanć che pro spo da spizuré inant la pala, por i inserimënć di atacant. En jüch che un udü deplü iadi chësc ann pro les scuadres pustres. Dui tiri fora dl area de Sottara Stefan y Sottara Freddy röia de püch dlungia la porta ia. Le prüm tëmp se stlüsc jö sön le 1 a 0 por La Val.

Le secundo tëmp é La Val che süga indô en pü damí, mo nia plü tan bun co tl prüm tëmp. Mo le proscimo gol ti garetel impó a La Val. En eurogol de Sottara Freddy porta La Val sön le 2 a 0. Na bel poniziun da  30 metri ca. röia dlungia l' incrocio ite, le portier da San Laurënz ne á degüna oportunité da parè. Na ponziun trata cun potënza y bel angolada che va bel avisa sura la bariera fora y spo ala fin cambiera traietoria y se arbasa sot la traversa ite. Cun chësc bel gol mina La Val da avëi la partida tles mans, ince deache püch dedô vëgnel espulso en difensore dl San Laurënz por dopla amoniziun.

Mo la partida osc medaia. Frenes Michael se fesc mé y mess gni cambié fora (al saltará ince les proscimes partides, por infortunio). Ince sce San Laurënz é in 10 essi bugn da ataché y da crëi ćiamò tla vitoria. Al ti gareta le prüm gol, sön en cross che rimbalza dui iadi te area ne röia degügn defensurs sön le pal, le atacant é plü svelto y fesc insciö le 2 a 1 cun en tiro bas dlungia le palo ite. Dô da 10 menüć ti garetel la fotocopia dl prüm gol a San Laurënz. Indô en pal che röia te area y le atacant é plü svelto. Chisc dui goi de püch tëmp ti taia les giames a La Val, che se ciafa ćiamò le gol dla sconfitta 5 menüć dala fin. La Val ne é nia bugn da trá dmez en pal te area y insciö é le atacant plü svelto a fesc gol.

La Val éss messè stlü jö bel la partida fajon le 3 a 0. Deplü bi contropiedi ne é nia gnüs sfrutá dërt, cun le ultimo passaggio sbaglié o massa pücia convinziun.

La partida se stlüsc jö sön le 3 a 2 por San Laurënz.

Cun chisc trëi punć lasciá sön trú resta La Val al 5° post te tlassifica.


Read More

La formaziun titolara dla partida:

lavalvssanlaurenz


In cürt ćiamò les sostituziuns dla partida:


al 70° Nagler Max por Frenes Michael (che se á fat mè)

al 75° Verginer Franzi por Rubatscher Florian


Por ciaré ala tlassifica y i resultać dles atres partides clicca. Resultać y tlassifica

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©