US LA VAL
 
 
     
 

10° partida cuntra Gsies

Stampa PDF

IMG_1261_copyIn dumënia ai 22 de Má él gnü sughé la 10° partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra  da Gsies fora de ćiasa.  En campo rî ulache al él bel stè deplü bunes scuadres (p.e. San Laurënz) che á messè lascè punć sön trú.

Ince sce deplü sogadusc ê ćiamó en pü da lünesc dô la noza dla sabda de en mëmber dl comité dl U.S. La Val, éssi albü la poscibilité da stlü jö la partida bel tl prüm tëmp. Mo sciöche al é bel sozedü plü gonot tles ultimes partides vëgn la conzentraziun tl secundo tëmp tres de manco. Insciö él gnü fora en pareggio, 1 a 1.

La partida á metü man bun por La Val, cun de beles combinaziuns y pala bassa, sfrutan ince tröp les dös fasces, suradüt sön la pert ciampa. Ploner Werner á albü la pala dl prüm gol sön le pé. En bel passaggio bas röia sön le rigore, Werner in velozité se prejentëia sön le pal y tira de prüma. Le gran tiro de potënza röia sön la traversa, spo rimbalzel sön la riga de porta y vëgn indô fora. En bel tiro al volo mo cun pücia fortüna por La Val. Püch dedô él Sottara Stefan che fesc prësc le 1 a 0, en bel cross de Rubatscher Florian röia sön le cinch. Stefan é bun da stacché de cé a mesa  dui defensurs, mo la testa röia bel avisa ite a mez tles mans dl portier.

La buna difesa da La Val ne ti lascia degüna oportunité al Gsies, ince mertt dl gran pressing di centrocampisć y di dui atacanć Alex y Franzi. A mesa le prüm tëmpo spo ti garetel le gol a La Val. Alex röia sön en bel cross de Daniel Frenes, cun le piet él spo bun da devié le pal te porta, portan insciö süa scuadra in vantaje. Püch dedô él Sottara Freddy che fesc en bel passaggio filtrante por Alex, le passaggio filtrëi i dui defensurs dl Gsies, mo Alex ne é nia bun da controlè bun le pal, al foss sté da sú cuntra le portier. Le prüm tëmp se stlüsc jö sön le 1 a 0.

Tl secundo tëmp é Gsies che mët en pü deplü sot a druch la difesa da La Val. I gran lanci lunć dl portier da Gsies röia sö cina dan l'area da La Val. Mo ocajiuns da fa gol ne ai impó nia Gsies. Mo fora de nia ti garetel impó le 1 a 1. Sottara Stefan vëgn sburlé te area y al ne röia nia plü sön la pala, le atacant che é dlungia é bun da fa en tiro dlungia le palo ite. Sepl te portá ne pó plü fá nia. L' unico iade che Gsies é en pü prigorusc ti garetel atira bel le gol, ince sce le arbiter ne á nia udü la sbürla evidente te area. Tl ultima pert dla partida él ćiamó le portier da Gsies che fesc trëi beles parades. La prüm sön na bela testa dl capitano Alex Alton, él bun da tó fora na pala che foss jüda tl incrocio. Le secundo iad él Rubatscher Florian che se prejentëia da sú dan le portier, le gran tiro de potënza él ince chësc iade bun da paré, restan plü di poscibil impé. Tl recupero él ćiamò Elzenbaumer Alex che pó fa le secundo gol, mo só tiro da na posiziun defilada te area röia indo tles mans dl portier.


La partida se stlüsc jö sön le 1 a 1.

Cun chësc punt davagné resta La Val al 5° post te tlassifica.


Read More

La formaziun titolara dla partida:

gsiesvslaval






 

In cürt ćiamò les sostituziuns dla partida:

al 75° Rubatscher Florian por Verginer Franzi

al 80° Castlugner Marco pro Alton Alex (la fascia da capitano é spo jüda a Rubatscher Romeo)

al 83° Nagler Max por Sottara Freddy


Por ciaré ala tlassifica y i resultać dles atres partides clicca. Resultać y tlassifica

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©