US LA VAL
 
 
     
 

4. ediziun "Viola Football Camp"

Stampa PDF

campStimá geniturs y sogadus,

l’Uniun Sport La Val organisëia por le cuarto iade, en colaboraziun cun les atres uniuns sportives de nosta valada, n „camp“ de n’edema por düć i mituns che soga al palè, tigní dal’Associaziun “Viagginsport” da Firenze che é spezialisada ti alenamënć di mituns.

 

Chësta é na gran ocajiun por nüsc mituns y inće por nüsc alenadus da odëi y da imparè diretamënter da alenadus profescionnisć, che laora esclusivamënter tl setur jonil.

No se lascede sciampè chësta oportunité da imparè por n'edema alalungia chisc metodi nüs d'alenamënt! La poscibilité da tó pert ti vëgn dada ai mituns y mitans nasciüs ti agn 1997 – 1998 – 1999 – 2000 – 2001 – 2002.

Le „camp“ metarà man le lünesc ai 22.08. y jará fina la sabeda ai 27.08.2011 y gnarà tignì a La Val ciamp dl sport Plans. L’orar jarà vigni dé dales 10.00 ales 12.00 y dales 14.00 ales 16.00 (la sabeda ma fina misdé).

Por curí les spëises d’organisaziun él gnü chirí deplü sponsors. Le cost che resta da paié por i partezipanć é porchël valgamia bas, plü avisa 120,00 € porom. Te chësc prisc éle laprò:

• 6 dis de curs

• 5 marënes

• 1 kit de guant por i alenamënć (malia, braia cürta, t-shirt, kw)

I interessá é periá da se scrì íte anter la sabeda, ai 11 de jügn 2011, scrion fora la zetula d’iscriziun chilò dlungia, che pò gní dada jö pro i responsabli o alenadus dles stemma_campuniuns dl sport dla Val Badia. (por scariché la zetula d'iscriziun drüca: Iscriziun2011.pdf)

Por gaujes d’organisaziun mëss le numer di partezipanć indô gní limité a 70. Le prisc d’iscriiun mëss gní paié ite al plü tert anter i 18 de jügn 2011 söl c/c intestè al’U.S.A. La Val pro la Cassa Raiffeisen dla Val Badia (IBAN IT 15 L 08010 59130 000303000885). *

Düć i partezipanć al „camp“ mëss avëi la vijita dal dotur dl sport (sura 12 agn) o le zertificat dal dotur de familia (sot a 12 agn), che mëss gní portè para le prüm dé dl „camp“. Por informaziuns plü avisa podëise telefonè a Fabian Sottara sot al nr. 333-4750466 (do le 5 da sëra).

I speri che tröć jogn sogadus anuzëies chësta gran oportunitè!

* N.B.: L’iscriziun al „camp“ pò gní trata jö dla cuta – ćiara informaziuns söl’ultima plata

In aleghé le link dl’Associaziun “Viagginsport”. http://www.viagginsport.com/homepage.asp

Por udei fotos dles ultimes ediziuns clicca. FOTO

logocampporsito

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©