US LA VAL
 
 
     
 

Ultima partida de campionat por La Val

Stampa PDF

IMG_1261_copyIn dumënia ai 29 de Má él gnü sughé la 11° y ultima partida dl ritorno dl campionat 2010/2011 de  3° categoria por La Val. La partida é gnüda sugada cuntra la scuadra  da Lüsen fora de ćiasa.  Por La Val êl dër important portè a ćiasa 3 punć por scavalchè insciö Lüsen y se portè al bun 4° post.   

 

Ince sce al ê en gran ćialt a Lüsen é stá bugn La Val da davagné la partida, dominan dal prüm menüt inant. En 4 a 0 stra mirité, ulache La Val á sciuré dmez en grüm de ocajiuns da gol indô sciöche bel sozedü tles ultimes partides. Cun chësta bel vitoria vá La Val bel carichi in dumënia a Sterzing por la finala de copa, speran da davagné cuntra Plaus y jon insciö ai spareggi cuntra les secundes di atri gironi. In chësc ann él 3 scuadres sön 4 che vá sö. Sce La Val éss da perde le spareggio spo poi ćiamò fa en secundo spareggio cuntra la perdente dl atra partida. Na gran oportunité da jí sö, mo naota él da davagné la finala.

Jon zoruch ala partida cuntra Lüsen: la partida á metü man dër bun por La Val, cun düć i sogadusc che se á porvè dër tröp, messon ince ćiamò se concuisté le post te campo por la finala. Bel da mëter man röia i dui atacanć da La Val Daniel y Alex deplü iadi cuntra le portier da susc, sön de bi passaggi filtranti di dui centrocampisć Freddy y Max. Mo le pal ne ó nia jí ite. Le prüm gol ti gareta impó a La Val, sön en bel inserimënt de Daniel Frenes, ciafel spo le pal al se porta al esterno dla porta y cun en tiro defilé el bun da bater le portier y portè La Val in vantaje. Püch dedô él Marco Castlunger cun na bela aziun jö por la fascia che se porta ite a mez, dá zoruch la pala a Freddy, mo le tiro al volo röia dlungia la porta ia. Max Nagler á ince fat prësc le gol, mo so bel tiro fora dl area röia ince depüch dlungia le palo ia.

A mesa le prüm tëmp ti garetel a Daniel en bel dribbling a dui defensurs, al pó trá te porta, mo spo vëgnel mazé jö te area. Le arbiter tol fora insciö le cartellino rosso y dá le rigore a La Val. Alex Elzenbaumer se prejentëia por bater le rigore, mo le portier é bun da parè. Üna dles gran oportunites sciurada ia dala scuadre de Scalzini. Mo La Val se proa inant, Lüsen mëss soghé cun la linea de trëi dô ia deache ai é un demanco te campo por l'espolsiun. Insciö pó La Val sfruté i gran büsc lasciá da Lüsen, soradüt cun la velozité de Daniel y Alex dant. Mo Lüsen süga ma plü sön le fuorigioco y chësta tattica ti vá ince bun, mo nia tres. Freddy ciafa na bela rimessa da Franzi al mët jö le pal y fesc en bel passagio ite a mez a Daniel. Daniel röia in velozité sön le pal, mo le pal röia de püch dlungia le palo ia. Lüsen ne é mai prigorusc, ala fin dl prüm tëmp feji la prüma aziun prigorosa. Sön en cross ite a mez feji en tiro che röia sura porta fora (chësta y na traversa da gran distanza ala fin dl secundo tëmp é les uniches aziuns de düta la partida). La Val dominëia le campo!!!! Mo le prüm tëmp se stlüsc impó ma jö sön le 1 a 0.

Tl secundo tëmp el spo La Val che süga ćiamò plü bun. Insce sci atacanć röia deplü iadi te furigioco, é La Val buna da fá trëi goi. Le secundo gol dla partida ti gareta a Alex Elzenbaumer. En bel passaggio filtrante porta Alex dasú cuntra le portier, al é bun da dribbeln le portier y apogé insciö le pal te porta. Franzi Verginer süga na gran partida, al se porta deplü iadi prigorus dan la porta di aversars, mo le pal ne ó nia jí ite. Ala fin ti garetel impó ćiamò le gol a Franzi, chësc é le 3 a 0 por La Val. Sön na ribattuta dl portier röia Franzi sön la pala y tira te porta. Le ultimo gol ti gareta indô a Daniel, che é bun da dribbeln indô le portier, che é tres costretto da gní fora, deache la difesa da Lüsen süga ma sön le fuorigioco y resta chita insciö.

 

La partida se stlüsc jö sön le 4 a 0 por La Val.

 

Cun chësc punt davagné é La Val bun da superé Lüsen y se portè al 4° post finale de campionat 2010/2011. 

Read More

 

La formaziun titolara dla partida:

 

lsenvslaval

 

 

 

 

 

 

  

  

In cürt ćiamò les sostituziuns dla partida:

al 76° Sottara Werner  por Nagler Maxal

al 80° Denis Kaneider por Alex Elzenbaumer

 

 

Por ciaré ala tlassifica y i resultać dles atres partides clicca. Resultać y tlassifica 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©