US LA VAL
 
 
     
 

Spareggio por la 2. categoria

Stampa PDF

IMG_1261_copy_copyIn mercui ai 08 de Jügn él gnü sughé l' spareggio por jí sö te secunda categoria. La partida é gnüda sugada cuntra la scuadra  da Wiesen sön le campo neutro da Vahrn.  Dô la bela finala de in dumënia á chësc iad La Val messé udëi ite suradüt la stanchëzza ćiamò dal' ultima partida.

La partida é insciö jüda fora 3 a 0 por le Wiesen. An á bel avisa udü che la lungia partida dla finala cun i tëmps sumplementars se á fat sintí tles giames di sogadusc da La Val (suradüt tl secundo tëmp).

La partida cuntra le Wiesen ne á gnanca metü man tan mal por La Val. Da mëter man él garatè de beles aziuns cun le pal bas, suradüt sön la fascia a man ćiampa, ulache Daniel Frenes á sughé. Mo sön la prüma dijatenziun dla difesa se á prejenté le atacant da sú dan Merch Vallazza. Cun en tiro bas y angolé al fat gol, atucan denant le palo. Wiesen se á porté insciö sön le 1 a 0. Dô le gol de Wiesen él spo stè La Val che á albü en per de bunes pales por rajunjer le pareggio. Dui de gran tiri da lunć de Daniel Frenes foss prësc jüs ite. Le prüm é jü de püch sura la traversa fora y le secundo é gnü paré, cun na gran parada dal portier da Wiesen. Alex Elzenbaumer se á ince prejenté da sú dan le portier, mo le tiro é gnü parè. Al fin dl secundo tëmp é ćiamò le Wiesen dër prigorusc sön en calcio d'angolo. La testa vëgn deviada da Merch y röia de püch dlungia le palo ia, na gran parada de Merch Vallazza. Le prüm tëmp se stlüsc jö sön le 1 a 0 por Wiesen.

Dô da 10 menüć tl secundo tëmp é spo sté La Val che é crollada. La gran fadia fata dala finala de Copa se á fat sintí tles giames. Insciö él ćiamò stè Wiesen che á fat dui goi stlujon jö la partida sön le 3 a 0. Merch Vallazza é ćiamò stè bun da parè en rigore dl Wiesen, sön le 3 a 0.

Le secundo spareggio che é sté programè, ne gnara nia plü fat. Deache Lajen y l' U.S. La Val toma ite ti criters dles preclujiuns (sciöche scrit tl ultim comunicat).

comunicat



La formaziun titolara dla partida:

wiesespareggio


In cürt ćiamò les sostituziuns dla partida:

al 25° Ploner Werner por Sottara Werner

al 70° Tavella Thomas por Verginer Franzi

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©