US LA VAL
 
 
     
 

Viola Camp 2011

Stampa PDF

25._August_2011P1080633Dai 22 ćina ai 27 de agost él gnü organisé dala Uniun Sport Amatoriala La Val la cuarta ediziun dl “Viola Football Camp”. Chësc iade àl tut pert 55 mituns. A d’alenè y insigné les tecniches dl palê él stè cater alenadus che à na gran esperiënza te chësc setur. Plü avisa se tràtel de Rizzo Francesco (ex śogadù de “serie A” y nazionala taliana) che se à dè jö cun les tecniches da stopè y le saltè cun le pal. Mancini Oliviero che à insigné le “dribbling” y le colp te porta.

Mancini Fabrizio (le möt de Oliviero) che à fat eserzizi de velozité y forza. Ricettelli Carlo (ex secundo portier dla Roma) che ti à insigné ai   portiers les tecniches de basa por deventè n bun portier. Bele le pröm dé àn odü che i mituns â n gran interès da imparè valch de nü, an à odü düć che metô dër averda ći che i alenadus dijô y se porvâ. Cun gran plajëi ùnse podü aldì dai alenadus che chësc é stè en grup che se à porvè tröü tratan l'edma y olache al ê na gran disciplina. Chësc à dessigü portè de bugn früć a düć i mituns. Na gran fortüna él stè cun le tëmp che é stè döta l’edema dër bel, i podôn insciö jì inant cun döt le program dl camp. Le camp é gnü stlüt jö la sabeda olache al é gnü fat scuadres moscedades y spo gnü śoghé deplü partides. Atira àn odü i mioramënć suradöt dl jüch y dla posiziun te ćiamp di singui śogadus. Do le tornê él gnü fat na picia premiaziun olache al é gnü partì fora n atestat de partezipaziun al camp cun les firmes di alenadus. Le presidënt dla Uniun Sport Amatoriala La Val à rengrazié düć i volontars che à daidé organisé le camp suradöt Sottara Fabian y Ploner Martin y les cöghes che à cujiné dër bun döta l’edema. Do i rengraziamënć él spo stè na grigliada cun musiga, por festegé ince en pü i 40 agn dl Uniun dl Sport da La Val.

N giulan particolar ti va inće ai cater sponsors: Cassa Raiffeisen Val Badia, Edilfer y Selgas.

 

Por udëi les fotos dl camp 2011 drüca: FOTO

P1080636 IMG_0390

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©