US LA VAL
 
 
     
 

2° partida (ritorno) de Copa 2011/2012 por La Val

Stampa PDF

copaIn sabeda ai 27 de Agost él gnü sughé la 2° partida (ritorno) dla Copa Provinzia 2011/2012 de  3° categoria por La Val. La partida é gnüda sugada cuntra le Olang te ćiasa. Dô la burta prestaziun fora de ciasa cun le 2 a 2 se á tut dant La Val da mustrè na miú prestaziun tl ritorno.

Mo ince in chësc iad ne é nia stada buna la scuadra da La Val da mustrè en bel calcio, suradüt tl prüm tëmp. L' unica buna ocajiun á albü le Olang, cun en bel tiro al volo fora dl area che superëi l'portier da La Val y röia bel avisa sön la traversa. En gran tiro che por furtüna ne é nia jü ite. Tl prüm tëmp él gnü sbaglié en grüm de passaggi, soradüt por la gran agresivité di aversars che ne lascia nia sughé le pal.

Tl secundo tëmp él gnü cambié fora dui sogadusc y metü ite dui de fresć, speran che la partida se cambiass insciö. La Val se á impó tres stentè, ai ne ê nia bugn da costruí na bela aziun. A mesa le secundo tëmp vëgnel sciuré fora le portier da Olang, sön en burt fallo de raziun cuntra Florian vëighel insciö la cherta cöcena. Püch dedô é Daniel Frenes bun da saltè le "uomo" sön la fascia y se porta insciö sön le fondo ulache al é bun da mët ite en bel pal sön le rigore. Florian Rubatscher röia sön le pal, al prüm mumënt ne él nia bun da tra ite la pala, mo al é bun da se oje jö portera y mëter insciö le pal te porta. En gol che ti dá sigurëza ala scuadra, deache insciö él Olang che mëss bel fá dui goi por jí inant. Ala fin dla partida él ćiamò Moling David (en sogadú nü) che é bun da fa en bel gol sön na poniziun musurada bel dlungia le palo ite. So prüm gol te 3. categoria stlüsc insciö jö la partida.

In sabda saral la prüma partida de campionat, La Val mëss ciarè da miglioré le jüch, scno saral dër ri da rovè tles prümes scuadres y combater por le campionat.

La proscima partida sará cuntra Gais (che é tuma jö dala 2.categoria) y che á sciuré fora le Mareo tl prüm turno.


La foramziun titolara: Sepl Kantioler, Sottara Werner, Tavella Jordan, Castlunger Maro, Tolpeit Daniel, Nagler Max, Tschaffert Ivan, Sottara Freddy, Rubatscher Romeo, Frenes Daniel y Rubatscher Florian.

Banchina: Frenes Egon, Miribung Adrian, Moling David, Elzenbaumer Alex, Alton Alex, Vallazza Paolo,   (Rubatscher Klaus, Rubatscher Raimund y Scalzini Marco)

 

Sostituziuns:

Al 45° Alton Alex por Tolpeit Daniel

Al 45° Elzenbaumer Alex por Sottara Freddy

Al 70° Moling David por Rubatscher Florian



 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©