US LA VAL
 
 
     
 

2° partida camp. 2011/2012 por La Val

Stampa PDF

3.cat2011_2012In dumënia ai 11 de Setëmber él gnü sughé la secunda partida dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Neustift (scuadra nöia por La Val). Trëi punć meritá por La Val, che é bugn da bater Neustift por 5 a 3. Na buna prestaziun soradüt dal atacco cun 5 de bi goi.

 

La partida á metü man bun por La Val, bel dô püć menüć é La Val prigorosa dan porta. En bel passaggio dala fascia ite röia sön Florian, mo bel avisa canche al é por trá scbriscel sot fora. Mo püch dedô él bun da fa le prüm gol por La Val. Daniel Frenes röia sön la fascia cun en bel passaggio de Romeo, al é bun da mët la pala bel ite sön le rigore ulache Florian aspeta. Cun en bel tiro al volo él bun da bater le portier. Dô che la pala röia sön le secundo palo röiel indô le pal te porta, en bel palo-gol al volo.
La scuadra aversaria ne é nia prigorosa, mo la difesa da La Val se stënta impó en pü ia dedô, suradüt deache ai soga massa destacá un da l'ater. Sön en pice fal de en difensur röia en atacant da Neustift su dan porta, al pasa ia al compagn mo chël ne é nia bun da apogé la pala te porta. Sepl foss stè batü, mo por fortüna ne al nia aotchè le pal. Chësta é stada üna dles püces aziuns dl Neustift tl prüm tëmp.
L'secundo gol gareta sön rigore, dô che Frenes Daniel é gnü mazè jö te area. Micky se prejentëia söl set y spiazëia complet le portier. L' prüm tëmp se stlüsc jö sön le 2 a 0 por La Val. Da mët man dl secundo tëmp é La Val che süga sciöche ai sá da sughé, cun le pal bas y de beles combinaziuns. Insciö garetel ince le terzo gol por La Val, cun Moling David. Dopo él i menüć de Rubatscher Florian che fesc ćiamò dui goi. Sön le cuarto gol d' La Val é Daniel Frenes che fesc en bel recupero dl pal dlungia l'angolo, ulache le portier aversar y le defensura ne se á nia cis capí. Al pasa ite a mez, Florian mëss ma plü apogé te porta.
Sön le 4 a 0 él l'arbiter che fischia en rigore cuntra La Val, al ê netto. Sepl ne é nia bun da le parè. Dopo él indô Florian che é bun da fa le 5 a 1, cun en bel tiro ad efetto che röia sot le set cuntra le palo y spo te porta. La Val mina da avëi insciö la partida tles mans y se lascia insciö in pü dô fora. La difesa ne é nia plü buna da gní sö y insciö él en gran büsc danter centrocamp y difesa. Le 5 a 2 ti gareta al Neustif sön na punizione ite a mez y cun en colp de testa él bun l'atacant da spiazè Sepl, che ne á degüna colpa. 5 menüć dala fin fesc ćiamò  Neustift l' 5 a 3. La partida se stlüsc jö sön le 5 a 3 por La Val.
 

Cun chisc trëi punć se porta La Val al 3° post te tlassifica.


 

La formaziun titolara: Kantioler Sepl, Castlunger Marco, Ploner Werner, Tavella Thomas, Sottara Werner, Frenes Daniel, Tschaffert Ivan, Rubatscher Romeo, Frenes Michael, Moling David, Rubatscher Florian.

 

 

Sostituziuns:

Nagler Max por Frenes Michael

Valentin Elmar por Tavella Thomas

Sottara Freddy por Tschaffert Ivan


Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Por udëi fotos dla partida drüca: FOTOS

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©