US LA VAL
 
 
     
 

3° partida camp. 2011/2012 por La Val

Stampa PDF

3.cat2011_2012In sabda ai 17 de Setëmber él gnü sughé la terza partida dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da Gsiesertal. Na partida burta por la scuadra da La Val, che ne ess nia magari merité da perde, mo le burt jüch cun lanci di aversars, á descdrüt la partida.

 

La partida á metü man bun por La Val, bel dô püć menüć é La Val prigorosa dan porta. Ivan Tschaffert é bun da fa en bel cross ite a mesa l'area, Rubatscher Florian cun na bela rovesciata é bun da impegné le portier, al é bun da fa na gran parada y devié insciö la pala sura porta fora (foss ste en Eurogol de Florian). Ti prüms menüć él La Val che á la partida tles mans. Mo le bun portier da Gsies é tres bun da parè. La Val süga cun de beles combinaziuns, mo gonot mancel ćiamò la precisiun por l'utlim pasaggio.
 
Dô da 20 min él les fasce che mët man da perde plü pales y insciö él ince Gsies che vëgn tres plü prigorusc cun contropiedi. A mesa le secundo tëmp él Sottara Werner che porta prësc in vantaje La Val. En tiro/cros che le portier ne se á nia aspetè él ćiamò bun da devié cun la piza di dëić sön la traversa. Denant che l'arbiter scüra la fin dl prüm tëmp é La Val che á na gran furtüna: naota sön na puniziun él i sogdusc da La Val nia concentrá, Gsies süga atira la pala (zënza damanè la distanza) y le atacant bel su dan Merch, tira sura porta fora. Püch dedô él indô na puniziun, Merch ne é nia bun da se tigní l'pal, l'sogadú mëss ma plü apogè la pala te porta, mo de chël él Alex Alton che ti vëgn da do ite y le maza jö. Foss sté en rigore netiscimo cuntra La Val, mo l'arbiter ne le á nia udü. Gran fortüna por La Val.
L'prüm tëmp se stlüsc jö sön le 0 a 0.
 
Tl secundo tëmp é indô Gsies prigorusc inant, ai fesc en gran pressing. Florian á indô la pala dl vantaje sön le pe, te na mischia ciafel l'pal sön l'pé tla picia area, mo le tiro röia sura porta fora. La Val prô indô da fá deplü jüch. Florian é bun da ciafè en rigore (netiscimo). Micky Frenes se prejentëia sön le set, mo le tiro va depüch dlungia l'incrocio ia. Chësta sbagliada tira en pü jö de moral la scuadra da La Val. Mo bel avisa sön en bun punt dla partida por La Val, suzedl na paperada ala difesa da La Val. Merch sbaglia en pasaggio al defensura, l'atacant röia sön la pala y tira depüch dlungia l'palo ia, a porta öta. Chësc ess messè ester da leziun por La Val, mo püch dedô suzedl la medema cossa y in chësc iad ne ti vara nia bun a La Val. Merch passa fora a en defensur, che ti tira bel avisa ados al atacant, al é svelto ê mëss ma plü tra te porta öta, 1 a 0 por Gsies.
 
La Val prô ćiamó cun les ultimes forzes da portè en punt a ćiasa, mo ara ne vá nia. Tl recupero él ćiamò Elzenbaumer Alex che fesc en bel colp de testa, le portier da Gsies fesc indô en miracolo y jora sö tl set a to fora le pal. Na grandiscima parada.
 
La partida se stlüsc jö sön le 1 a 0 por Gsies.
 
 
 

Cun chisc trëi punć se porta La Val al 6° post te tlassifica.


 

La formaziun titolara: Vallazza Merch, Castlunger Marco, Alton Alex, Tavella Jordan, Sottara Werner, Frenes Michael, Tschaffert Ivan, Sottara Freddy,, Moling David, Rubatscher Florian y Elzenbaumer Alex.

 


Sostituziuns:

Miribung Adrian por Frenes Michael

 
 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©