US LA VAL
 
 
     
 

4° partida camp. 2011/2012 por La Val

Stampa PDF

3.cat2011_2012In dumënia 25 de Setëmber él gnü sughé la cuarta partida dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Gais (ché é tumada jö l'ann passè dala 2.categoria y che é prüms te tlassifica). Na partida ulache la scuadra da La val éss indô merité da davagné, mo la furtüna ne é propi nia sön la pert de chi da La Val in chësc ann.

 


Dan che la partida metass man él gnü fat en menüt de silenzio, por recurdé nosc amich Alexander che se á lascé. Al restará te düć nüsc cörs, por três.

 

 

La partida á metü man dër bun por La Val, bel dô püć menüć é La Val prigorosa dan porta. Frenes Daniel ciafa en bel pal in profondité, cun en gran tiro él bun da impegné le portier da Gais, che fesc na gran parada sön le secundo palo. Dedô él Tschaffert Ivan che ciafa le pal sön na rimesa, al é bun da dribbeln en defensur y se portè al zënter, al prô spo cun en tiro da fa gol, mo le pal ne ciafa nia la dërta potënza y le portier é bun insciö saurí da parè.

  

Le gol toma dô da 20 min tl prüm tëmp. Sön na rimessa de Frenes Michael ciafa Freddy la pala, al é bun da prolunghé a Franzi, che se acentrëia ite a mez y la dá jö a Florian. Florian é bun da se giré y trá atira. Cun en bel tiro sön le prüm palo ne ti lascel degüna oportunité al portier. La Val se porta insciö sön le 1 a 0. Chi da Gais ne ann gnanca udü te campo la prüma mesora. Suradüt le gran pressing ite a mez de Ivan y Freddy ne ti á dè degün flè al Gais por sughé la pala, studan jö insciö so jüch. Mo ala mesora él l'arbiter che ti scinca na puniziun depüch dlungia l'area al Gais. La puniziun vëgn sugada de secunda, en gran tiro de potënza röia püch dlungia Alex Alton ia (che é saltè sön le pal). Sepl vëiga tl ultimo mumënt la pala y ne é nia bun da parè. Insciö se porta Gais sön le pareggio cun dui tiri te düt le prüm tëmp.Sepl é ince bun da salvè le gol, sön la secunda aziun dl Gais: l'atacant se porta da sú cuntra vël (sön en rimpallo), al fesc en bel tiro bas sön le secundo palo, Sepl cun en mega tuffo él bun da parè le tiro y se tigi le pal tles man, na gran parada dl portier da La Val.

 

Vergine Franzi ess ince la pala dl 2 a 1 sön le pé: Frenes Daniel röia jö sön le fondo, al fesc en bel cross tla picera area, mo Franzi impede trá de prüma a porta öta, se fejel stopen naota la pala. En defensur pordüsc insciö cun na scivolata da ruvé sön le pal y devié le tiro te angolo. Le prüm tëmp se stlüsc jö sön le 1 a 1.

Tl secundo tëmp é Gais che fesc en cambio tattico. Só miú atacant (che suga sön la fascia) vëgn spostè ite a mesa la linea danter i defensurs y le centrocampo. Chësc fesc en pü de confujiun danter i sogadusc da La Val, deache degügn ne sá avisa chiche mëss le marchè. Insciö nascel ince le 2 a 1 por Gais. Le atacant vá a se tó la pala sön na rimesa y degügn ti vá dô. Al se acentrëia ite a mez y cun en gran tiro de potënza sön le prüm palo el bun da bater Sepl. Mo La Val pro impó ćiamò da fá le pareggio deache la partida é vëi che fesc. Mo le Gais se stlüsc düć ia dedô por defënder le resultat. Insciö se stënta La Val tres deplü da ruvé ala conclujiun, ince sce ai fesc de beles aziuns. Ince en ater atacant fesc terzino sëgn pro le Gais por defënder.

La partida se stüda jö insciö, ince por via dla gran nervosité che al é te campo. Deplü sogadusc vëiga la ghela por protesta. Al Gais tin vëgnel ince sciuré fora un y só alenatore ince.

La partida se stlüsc jö sön le 1 a 2 por Gais.

 

Ince sce La Val á pordü, ai mostrè en miglioramënt dl jüch dales atres partides. Chësc ti dá zigü forza por la proscima partida chësc mercui ai 28/09/2011 indô cuntra Gais de Copa Provinzia. La partida mët man dales 20:00.  
 

 

Cun chisc trëi punć lasciá sön trú resta La Val al 6° post te tlassifica.

 

  

La formaziun titolara: Kantioler Sepl, Castlunger Marco, Alton Alex, Tavella Jordan, Sottara Werner, Frenes Michael, Tschaffert Ivan, Sottara Freddy,Frenes Daniel, Rubatscher Florian y Verginer Franzi.

 

 

 

Sostituziuns:  

Nagler Max por Sottara Freddy

Elzenbaumer Alex por Verginer Franzi

 

Por udëi i atri resultać drüca (ince di atri campionać ulache sogadusc da La Val süga para) drüca: resultać

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©