US LA VAL
 
 
     
 

3° partida de Copa Provinzia 2011/2012 por La Val

Stampa PDF

copa2012In mercui ai 28 de Setëmber él gnü sughé la 3° partida dla Copa Provinzia 2011/2012 de  3° categoria por La Val. La partida é gnüda sugada indô cuntra le Gais te ćiasa, na buna oportunité por la scuadra da La Val por la rivincita dla partida de campionat da in dumënia, ulache La Val á pordü nia miritan.

Ince sce deplü sogadusc da La Val manciâ y che deplü sogadusc nüs é jüs sciöche titolari te campo, á fat La Val na buna partida, davagnan 3 a 2.

Suradüt tl prüm tëmp é La Val che á la partida tles mans. Le Gais cumbina püch y nia. Le prüm gol ti garetel a La Val, cun en gran tiro dër da lunć é bun Romeo da freghè le portier, che ne se aspetâ zigü nia le tiro. Al é bun da tra al volo püch sot a metacampo cuntra porta, le portier magari ince desturbé en pü dales lüms, ne é nia plü bun da abiné le pal. Le tiro röia bel avisa sot la traversa ite y te porta. En gran gol!!!!!

Mo La Val sá che ai mëss sughé inant cun düta la grinta por davagné la partida, y insciö era ince. Püch dedô garetel le secundo gol por La Val. Sön na rimessa él Sottara Freddy bun da spizoré inant de cé a Florian Rubatscher, al se acentrëia y cun en bel tiro sön le prüm palo fejel insciö le 2 a 0. La Val podess ćiamò fa deplü goi, mo deplü iadi mancel la prezijiun sön l'utlimo passaggio, o che al vëgn sughé mal la pala. Freddy á ince la pala dl 3 a 0, sön na rimessa lascel passè le pal dlungia ia y spo impede passè ite a mez, prol da fa en tiro de potënza da na posiziun dër defilada, le pal va depüch dlungia le incrocio ia. Florian foss zigü sté te na miú posiziun por tra te porta, sce al foss gnü passè ite a mez. Le prüm tëmp se stlüsc jö sön le 2 a 0 pro La Val.

 

Tl secundo tëmp él indô La Val che dominëia, le 3 a 0 vëgn ince fat indô da Romeo. Sön en calcio d'angolo val cuntra le pal y cun na gran testa mëtl le pal dlungia le palo ite, degüna oportunité dl portier da Gais da parè.

Mo le Gais chrëi tres ćiamò y ne lascia nia dô. Cun en per de cambi mëti ite forzes nöies y frësches. La Val vëgn tres deplü stlüć ite a difesa y ne é nia bugn da gní fora cun le pal sön le pé, gonot vëgnel mâ plü trat fora le pal de potënza. Le prüm gol ti garetel al Gais sön en calcio d'angolo cun gran fortüna. Le calcio d'angolo vëgn trat dër dassënn tla picera area, Sepl ne röia nia sön la pala, mo la pala röia belavisa ados an defensur da La Val y spo te porta. Sepl prô ćiamò da abinè la pala, mo depüch superëia la pala la riga. En autogol dër desfortuné.

Püch dedô vëgn sciuré fora Vallazza Paolo por soma de amoniziuns. Le secundo fallo cha al á fat ne foss mai stè da ghela. Insciö é La Val costretti da cambié fora meton ite en defensur nü. Porchël san belavisa che la partida gnará ma plü na "bataglia" a defëne le risultat. A mesa le secundo tëmp él Gais che fesc en gran gol. Le miú atacant dl Gais (che á bel fat le gol in dumënia de campionat) ciafa la pala püch fora d'area. Zënza ponsè dô dui iadi se ojel y cun en gran sinistro mëtl la pala ite tl incrocio, en gran gol che porta insciö le Gais sön le 3 a 2. Püch dedô él le Gais che protestëia por en rigore nia dè. L'atacant se porta jö sön le fondo, en defensur da La Val vá ados al sogadú che toma insciö jö portera, en rigore che an éss zigü podü dè, mo l'arbieter ne á nia fischié.

 

La partida se stlüsc jö sön le 3 a 2 por La Val. Sciode por i dui goi che La Val se á ciafè, insciö saral le ritorno plü rî. L'ritorno che messas gní sughé ala fin de Novëmber gnará spustè plü zoruch, na dezijiun tuta da trames döes les scuadres, por ne messëi nia prolunghé la sajun de en edma. La data gnará ćiamò comunicada. 

 

La foramziun titolara: Sepl Kantioler, Tavella Thomas, Alton Alex, Vallazza Paolo, Valentin Elmar, Tschaffert Ivan, Sottara Freddy, Rubatscher Romeo, Moling David, Verginer Franzi y Rubatscher Florian

 

Sostituziuns:

Sottara Stefan por Sottara Freddy

Castlunger Marco por Verginer Franzi

Tavella Jordan por Moling David

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©