US LA VAL
 
 
     
 

L' Derby da Rit ti vá indô a La Val

Stampa PDF

3.cat2011_2012In dumënia ai 09 de Otober él gnü sughé la sesta partida dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra dl Mareo. Ince in chësc iade ti é bugn la scuadra da La Val,  y porta insciö le derby da Rit indô en iad ćiasa. Na partida che ê zigü sintida dai sogadusc y dër importanta por la secunda pert dl andata.

 

Tl prüm tëmp é La Val deplü iadi prigorusc. Deplü beles combinaziuns a mez al campo y sön les fasces porta i dui atacanć Florian y Romeo cuntra porta. Mo le arbiter sciüra entres le fuorigioco che deplü iadi ne foss nia. Mo La Val ne portestëia nia pü de intant cuntra l'arbiter y süga inant conzentrá. Dô da 20 menüć ti garetel spo le prüm gol a La Val. Na bela poniziun de Castlunger Marco röia te area, Florian vá bel convinto sön le pal, Ince le portier  dl Mareo ó porvè da abiné la pala. Mo al fesc l'uscita a öt. Insciö rimbalzel la pala tla picera area y vá bel avisa sot la traversa ite. Le gol ti vëgn assegné a Marco, deache Florian ne le á nia aziché.

La Val süga bun inant, suradüt ite al zënter dl campo é Freddy a Stefan tres bugn da archité les aziuns dl Mareo, insciö ne essi mai stá prigorusc tl prüm tëmp. Udon che al é rî da sfondé a mesa jö, él le portier che prô en tres cun lanci lunć da mëter in dificulté La Val. Mo i defensurs y i centrocampisć davagna en tres i contrasti de cé.

Na bela ocajiun á ince Freddy sön na poniziun. Le bel tiro superëia la bariera y röia bel avisa tl incrocio, mo le portier dl Mareo é bun cun na grandiscima parada da tó fora la pala dal incrocio. Sce le tiro foss stè en püch plü dassënn fosera zigü jüda ite la pala.

Daniel Frenes á ince na gran oportunité da fá gol. Al é bun da jí ia a en defensur spo le portier vëgn indô fora, mo al ne abina nia la pala. Daniel vá dlungia ia mo al é en pü sbilancè. Insciö mëssl naota se mëter bun la pala y tratan é le portier stè bun da rientré y da dô ca ti tra dmez la pala dal pé. Foss stè la porta öta, mo na gran reaziun dl portier á indô salvè en iad l'Mareo.

Tl prüm tëmp ne él nia plü stè aziuns da gol sides dala pert dl Mareo che dala pert dl La Val. Le prüm tëmp se stlüsc jö sön le 1 a 0 por La Val.

Tl secundo tëmp él le Mareo che prô cun deplü cambi da giré la partida. Mo de gran aziuns prigoroses ne nascel impó nia.  La Val mostra indô na gran grinta y convinziun, suradüt tl jüch defensif é i sogadusc da La Val dër conzentrá y ne ti lascia degun büsc al Mareo. A mesa le secundo tëmp ti vëgnel spo dé en rigore sön na tratenuta de en difensur cuntra en atacant da La Val. Canche la pala é ruvada ite a mez el dui sogadusc dl Mareo jö portera y un dl La Val. L'arbiter vëiga na tratenuta dl unico defensur cuntra i dui dl Mareo y fischia insciö le rigore che porta le Mareo spo sön le 1 a 1.

Mo La Val ne zed nia y püch dedô ti garetel le 2 a 1 che ti porta insciö i trëi punć a La Val. En gran pasaggio filtrante de Sottara Werner, scmarchëia Daniel jö sön le fondo. Al fesc spo ite en bel cross bas te area. Florian röia dô ca y cun en bel tiro de piato el bun da fá gol.

Dedô él ćiamò le Mareo che á l'unica oportunité dl secundo tëmp da fá gol. En passaggio röia an atacant (che ê dui metri te fourigioco) püch fora de area. Al é bel sú, mo impede jí inant cuntra porta tirel atira y la pala röia sura traversa fora.

Tl ultim toch dla partida é La Val che controlëia la partida, cina che l'arbiter fischia spo la fin.

 

 


 

Cun chisc trëi punć se porta La Val al 7° post te tlassifica.


 

 

 

 

La formaziun titolara: Vallazza Merch, Castlunger Marco, Alton Alex, Tavella Jordan, Sottara Werner, Frenes Michael, Sottara Stefan, Sottara Freddy, Frenes Daniel,  Rubatscher Romeo,  y Rubatscher Florian.


 

 

 

 

Sostituziuns:

 

Verginer Franzi por Frenes Michael

 

Elzenbaumer Alex por Sottara Stefan (che se á fat mè, mo nia val de grave)

Tavella Thomas por Sottara Werner

 

 

Por udëi i atri resultać drüca (ince di atri campionać ulache sogadusc da La Val süga para) drüca: resultać
 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©