US LA VAL
 
 
     
 

7° partida camp. 2011/2012 por La Val

Stampa PDF
3.cat2011_2012In dumënia ai 16 de Otober él gnü sughé la setima partida dl campionat 2011/2012 de  3° categoria por La Val. La partida é gnüda sugada fora de ćiasa cuntra la scuadra da San Laurënz. Chësta sajun ne ora propi nia jí por La Val, ai mëss indô lascè sön trú trei punć por en gol che toma al 95°, dô che ai á albü deplü ocajiuns por stlü jö la partida.

Chëstes prümes partides dla sajun 2011/2012 tumará ite sciöche partides cun na gran descfortüna por La Val, ara ne ti vá gnanca en iad bun. Sciöche düć sá, ince tl calcio adorun datrai fortüna por rajunjer bugn resultać, mo te chësc mumënt chësta fortüna ne é propi nia da udëi. Ince cuntra San Laurënz ess La Val mirtié almanco en pareggio mo le gol di aversars toma al 95°.


Tl prüm tëmp da mët man é La Val che á la partida tles mans. Deplü beles ocajiuns ne vëgn nia sfrutades, bel dô da püć menüć él Florian che á la pala dl 1 a 0. Dô na bela combinaziun danter Micky y Freddy sön la fascia, fesc Micky en bel cros ite a mez, Florian é bel da sú, mo so colp de testa röia bel avisa tles mans dl portier. Ti prüms menüć él ma La Val te campo, le San Laurënz ne vëigun nia. Sön la fascia de Daniel Frenes vëgnel fat en gran druch. Daniel é bun da recuperé na bela pala sön le difensore, so cross vëgn devié y röia bel sön i pisc de Micky, al pro cun en tiro al volo, mo la pala röia dlungia porta ia.

Daniel Frenes pro ćiamò cun en bel tiro sön le prüm palo, mo la pala röia tla rëi esterna. Dô da 15 menüc é San Laurënu che se descëda en pü. Mo ai ne é nia prigorusc. I defensurs da La Val é dër concentrá y ne ti lascia nia spazi ai atacanć (fisicamente dër gragn) dl San Laurënz. La scuadra pustra fesc tres ma le medemo, o che le portier fesc i lanci sön i atacanć o che i defensurs lancia sön i atacanć, en bur jüch, suradüt por le publico.

A mesa le prüm tëmp é La Val che vá in vantaje cun Daniel Frenes. Sön en bel passaggio filtrante de en centrocampist se infilëia Daniel a mesa ite, al vá cuntra le portier y cun en bel dribbling él bun da superé le portier, al mëss ma plü apogé le pal te porta.

L'unico iad che San Laurënz é prigorusc dl prüm tëmp atochi le palo esterno. Sön ne cross röia la pala sön le secundo palo, en defensur da La Val rinviëia mal la pala, che röia püch fora de area, cun en gran tiro al volo atoca San Laurënz le palo esterno. Le prüm tëmp se stlüsc jö sön le 0 a 1 por La Val.


Tl secundo tëmp é San Laurënz che vëgn te campo cun na plü gran convinziun y mët insciö La Val in dificulté. Ai ne é nia plü bugn da sughé bel le pal y mëss insciö rinvié gonot la pala, por la gran presciun di aversars. San Laurënz á na gran ocajun: na pala lanciada röia jö tl piz de area, Merch é en pü in ritardo sön la uscita, le atacant röia denant sön le pal y tira. La pala röia de püch dlungia le palo ia. Mo püch dedô ti garetel impó la pareggio. La Val ne é nia bugn da bloché en inserimënt a mesa jö, al pasa fora ala fascia, che mëss ma stoppen y trá te porta. Le pal röia sön le prüm palo, Merch le azica ćiamò, mo nia assá. Insciö se porta San Laurënz sön le 1 a 1. La partida se deura indô.

Al nasc deplü ocajiun da intrames le perts. Merch é bun cun na gran parada da salvé le risultat: na gran testa sön na puniziun se ess bel avisa infilé dlungia le palo ite, mo cun ne gran tuffo el bun da parè.

Mo spo él le mumën dl La Val cun deplü ocajiun ti ultimi menüć dla partida. Daniel Frenes röia in velocité dlungia l'area, al vëgn sburlé jö portera dal "ultimo uomo". Mo le arbiter vëiga en falo de Daniel, degügn ne sá por ciudí. Ince sön Florian suzedel le medemo, al röia te area al ó rientré, mo l'ultimo uomo le tëgn sön cun na man y le sbürla jö portera, mo ince in chësc iad fesc proseguí l'arbiter. Freddy á ince na bela ocajiun de cé. En bel angolo teso de Micky röia sön le palo cürt, Freddy se inserësc mo la testa röia sura traversa fora. Spo él indô Daniel che á na bela ocajiun, al se porta sön le angolo dl area, cun en bel tiro diagonal sön le secundo palo prol da fá le 1 a 2, mo la pala röia depüch dlungia palo ia. Franzi á ince na bela chance, en pal devié mal dala difesa dl San Laurënz röia rasotera bel sön i pisc de Franzi, mo al scmorzëia la pala che röia sön le fondo. Spo el le difensur che passa zoruch en pal y le portier dl San Laurënz le cöia sö cun les mans, insciö el poniziun de secunda. Düć i sogadusc pustri se mët te bariera. Daniel azica la pala, spo röil Ivan, mo so tiro röia te bariera.

Canche düć mina che l'arbiter scüra ti garetel le gol dla vitoria a San Laurënz. Cun en solito lancio lunch ciafa na fascia le palo al röia sön le fondo, al fesc spo en bel cross ite sön le secundo palo. Ulache al röia adalerch en atacant, cun en bel colp de testa él spo bun da bat Merch. Sön le gol se stlüsc ince jö la partida.


Cun chisc trëi punć lasciá sön trú se porta La Val al 7° post te tlassifica.


La formaziun titolara: Vallazza Merch, Castlunger Marco, Alton Alex, Tavella Jordan, Sottara Werner, Frenes Michael, Tschaffert Ivan, Sottara Freddy, Rubatscher Romeo, Frenes Micky y Rubatscher Florian.


Sostituziuns:

Elzenbaumer Alex por Frenes Micky

Verginer Franzi por Sottara Freddy



Por udëi i atri resultać drüca (ince di atri campionać ulache sogadusc da La Val süga para) drüca: resultać
 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©